مجلس ابن زیاد
.
✍️ زبدة الاشعار ✍️
?: @nohe_torki
.
نوید آسال اردبیلی
.
زینب ای صاحب لوای نهضت سلطان عشق
ای سفیر باوقار مکتب قرآن عشق
.
ای علینون مفخری نایب مناب فاطمه
جاهد عالی سجایا افسر نسوان عشق
.
مطلع شعر شجاعت مشعل راه شرف
ای آدی زینت گر دروازۀ رضوان عشق
.
ای شریک شاه مردان نور یزدان زینبا
صورتونده اولدی پیداچهرۀ پنهان عشق
.
سرزمین عشقیده ویردیم تخیلده قدم
مرغ روحیم اولدی شهرعشقیده مهمان عشق
.
چوخ ظرافتلن باخوردوم شهرون هرآثارینه
ایستیوردوم گورسنه تاقدرت شایان عشق
.
گوزلریم ناگاه گوردی جنتون بیرگوشه سین
گوشه عرض ایتدیم ولی شایداولاکفران عشق
.
باصفا میدانیدی بی مثل قلب شهریده
وصفیده اولساقصوریم عفوایدرجانان عشق
.
سینه میدانیده بیر نهر گوردوم سسلدیم
آیه جنات تجرییه بو دور برهان عشق
.
بیراووج ایچدیم او آب شهدوار صافیدن
روحیمه ویردی طراوت سسلدیم احسان عشق
.
ناگهان دوشدی گوزوم بیر عاشق وارستیه
فوری عرض ایتدیم آقا ای ساکن استان عشق
.
چوخ مجلل دوردیاروز یوخدی نقصانی ولیک
غرق بهت ایلوب منی شهرایچره بو بنیان عشق
.
بوگوزل لیک ده یرون بی شک اولار زیبا آدی
بوسوالون دردینه پاسخ دی تک درمان عشق
.
بیر تبسم لن منه باخدی بویوردی ای غریب
این دیار خوش هوا یکسر بود ازآن عشق
.
بوگوزل میدانی کی آلدون آدین مندن خبر
جمع اولارهرگون بوراکیم اولساپشتیبان عشق
.
کعبه مثلی طوف ایدللر بو مکانی عاشقان
بو یره دلبسته دور مقدادیلن سلمان عشق
.
قوی دیوم زیباآدین فخرایله عاشق سن اگر
نام زینب دور بویوردی زینت میدان عشق
.
آری زینبدور ویرن روح طراوت عاشقه
آری زینبدور کتاب عشقیده عنوان عشق
.
قوی دیوم عاشقلره دریای عشقیندن بونون
گرچه وصفیملن تانینماز عالمه میزان عشق
.
شام تاسوعا ویروب درس جهاد اولادینه
امر ایدوبدور قویمیون لرزان اولا ارکان عشق
.
یوم عاشورا گتیردی شاه دین خرگاهینه
عرض ایدوب ای میرعالم سرورخوبان عشق
.
سن دونن آخشام بویوردون لشکر عاشقلره
آخماسا قان زنده قالماز مکتب قرآن عشق
.
اذن ویر اوغلانلاریم گیتسون جهاده یاحسین
خردا عاشقلر گرک درک ایلسون طوفان عشق
.
قوی سوزولسون قانلاری علقم مثالی تپراقا
قرمزی قانیله تا امضا اولا پیمان عشق
.
اولمارام ام بلا ام شهیدان اولماسام
راضی اولما تا اولا اعمالیده نقصان عشق
.
خواهش زینبله گیتدی عرصیه دردانه لر
گلدیلر اما مثال لالۀ خندان عشق
.
زینبی گورجک بویوردی شاه جنت آی باجی
بو گوزل ریحانلارا رحم ایتمدی عدوان عشق
.
باخدی زینب قان ایچینده گوردی اوز اوغلانلارین
بیرتبسم ایتدی گویا تاپدی جسمی جان عشق
.
گوردی قارداشین توکور گوزدن گلاب جنتی
عرض ایدوب ای کشور عشاقیده سلطان عشق
.
غم یمه اوغلانلاریم اولدی حسین دین اولمسین
شکر اولا زینبده ویردی دینینه قربان عشق
.
.
.
آری زینبدور ایدن عشق عالمی دینین ادا
آری زینبدور علمدار قیام کربلا
.
.
.
اللی بش ایل عمریده عشقین عیارین ساخلادی
هرنه اندازه بلا گوردی قرارین ساخلادی
.
چشم دنیا گورمیوب زینب کیمی بیر قهرمان
کچدی جاندان مصحف پروردگارین ساخلادی
.
ایستورم من شامیده کسگین خطابیندن دییم
او خطابی کی علینون ا عتبارین ساخلادی
.
غیرت اللهون قیزی بیرایش گوروبدور شامیده
حشر اولونجاق آرمان کردگارین ساخلادی
.
دوتدی یوز هنداوغلونا زینب دیدی ای کینه جو
حمدلله قارداشیم حقین شعارین ساخلادی
.
سن بیله فکر ایلیورسن فاتح و پیروزیسن
اصغریم تک باشینه دینون وقارین ساخلادی
.
حشریده اثبات اولا ظلموز حسینیم قبریده
اوز قوجاقینده یارالی شیرخوارین ساخلادی
.
قانلی میداندا بودوزدی پرپر اولدی لاله لر
شکر اولا قاسم قانی حق لاله زارین ساخلادی
.
کربلاده کاش ابالفضلی گوریدون سن نجه
عصر تاسوعا حسینون اقتدارین ساخلادی
.
مرحبا ام البنینون باشرافت اوغلونا
سینه ده عشقین مدال زرنگارین ساخلادی
.
فکر خامیلن گتیردوز سیز امان نامه اونا
توسن صبرین ابوالفضلیم مهارین ساخلادی
.
شمره باخدی سسلدی کیم آتدی شاه جنتی
بی بهانه دوزخون سوزنده نارین ساخلادی
.
من حسینی بوشلیوب ناحقه تعظیم ایتمرم
رهبریمدور دین و قرآنین حصارین ساخلادی
.
انقلاب اعظمین درک ایلییر آیندگان
چون قیامی دولت عشقین عیارین ساخلادی
.
نامه نی غیضیله جیردی ثابت ایتدی عالمه
ساقی دین احترام شهریارین ساخلادی
.
من امان نامه جیران قارداشیمون دلبندیم
احسن عباسه علینون افتخارین ساخلادی
.
حی داور شانووی سیندیرماقا زهراکیمین
آل اطهارین سه ساله یادگارین ساخلادی
.
رهبردین سن اگر تاج زرافشانون ندی
قلبیلرده بوحکومت غم شرارین ساخلادی
.
رهبر اسلام علیدور اولدی حاکم عالمه
بذل ایدوب اعلا لباسین وصله دارین ساخلادی
.
ای جماعت دوزخه گیتدی معاویه ولی
صدر دولتده بو ابن می گسارین ساخلادی
.
پشت پرده ساخلیوب نسوانینی ابن خبیث
گوز قباقینده علی ایل و تبارین ساخلادی
.
خطبۀ زینب سالوب لرزه یزیدون جانینه
سینه سینده اول دنی ذلت فشارین ساخلادی
.
اگلشوب گاهی دوروردی تختیدن دیوانه تک
کیم دیور الده یزید اوز اختیارین ساخلادی
.
ویردی الدن اختیارین زینبه احسن دیدی
وحشتیندن فکریده زینب وقارین ساخلادی
.
کیم دیورسسلندی دوشدی تیغ حیدر تپراقا
بو خطابینده علینون ذوالفقارین ساخلادی
.
سیزدیدوز شجعان حیدرباتدی قانه . بیلمدوز
چرخ دوران قهرمان نامدارین ساخلادی
.
شکر اولا اللهیم اما خوارایدوب دشمن لری
تختیده ثابت دمشقون تاجدارین ساخلادی
.
سسلدی زینب دوباره لال اول ای هرزه روان
ویردی جانین قارداشیم راضی نگارین ساخلادی
.
.
.
بسدی سالما بوندان آرتوق سن بلایه باشیمی
خاطر پیغمبره اینجیتمه دای قارداشیمی
.
.
.
اوحسینون غملری هفت آسمانی یاندیرور
تک یر اهلین یوخ غمی کروبیانی یاندیرور
.
گول کیمین ایلردی پیغمبر او باشین صاحبین
بی گمان گل پرپر اولسا باغبانی یاندیرور
.
ظلمیلن پرپر ایدوبلر حیدرون زیبا گولون
بو گولون قرمز گلابی گلستانی یاندیرور
.
واردی بیرمحنت دیوم آهسته قیزلار بیلمسین
چون بومحنت اوت کیمین روح وروانی یاندیرور
.
پرپر اولموش لاله نون اوسته اوگون آت چاپدیلار
نعل تازه جسم عریان کربلانی یاندیرور
.
مشعل کین اللرینده دولدی لشگر مخیمه
گوردوم اعدا خیمۀ عشق وصفانی یاندیرور
.
ناگهان گوردوم بیری کبروغرور محضیلن
مشعلیلن چادر زین العبانی یاندیرور
.
خیمۀ سوزانه گیردیم ناجی اولدوم نهضته
بو خبر گرچه قلوب اشقیانی یاندیرور
.
قوی دیوم بیر صحنه غارتدن کی قلبوزقان اولا
تا بیلون هانسی مصیبت مجتبانی یاندیرور
.
دودۀ آتش اوجالمیشدی سمایه فرشیدن
گوردی بیرصحنه گوزوم.کی جسم وجانی یاندیرور
.
نوعروسون سمتینه قاچدی رقیه سسلدی
گل باجی قوم دنی حجله سرانی یاندیرور
.
ویردی بیر پاسخ اونا تازه عروس قاره بخت
او جواب الاندا بو درد آشنانی یاندیرور
.
سسلدی داماد اولوب حجله سرانی نینورم
آری بو غملردی کی بو پیرو جوانی یاندیرور
.
کربلانون محنتی دنیانی تسخیر ایلیر
او دیاری کی آدی ارض و سمانی یاندیرور
.
نهرون اوسته تشنه لب عباسیمون جان ویرمگی
هر قوی مرد غیور و قهرمانی یاندیرور
.
اکبرون شق القمرایتدی باشین تیغ جفا
هر ندن آرتیخ بو غم مظلوم آنانی یاندیرور
.
قاسمون پامال ایدوب آتلار ایاقی پیکرین
آغلیور بی کس آناسی ماسوانی یاندیرور
.
نیلمیشدی سیزلره دل آچمیان بیر صود امر
اصغرون جان ویرمگی دلده توانی یاندیرور
.
اللرین گهواره مثلی ترپدور بی کس رباب
اوغلونا لای لای دیور دیلسیز بالانی یاندیرور
.
بیله فکرایتمه حسینه تک منم نوحه دین
وار اونون بیر روضه خوانی کی جهانی یاندیرور
.
مجلس ماتم قوروبدور عرشیده ذات احد
فاطمه نوحه دیور اهل جنانی یاندیرور
.
گرآنام نوحه دیسه ارض وسمانی یاندیرار
ناله سی الاندا شمر بی حیانی یاندیرور
.
فاطمه گلزارینه ظلمیلن اسدی باد غم
گللرون سولماقلاری باد خزانی یاندیرور
.
خیزرانون الده بی شک لعن ایدور الان سنی
طشتیده چون قانلی لبلر خیزرانی یاندیرور
.
کربلا قربانلاری وصل نگاره چاتدیلار
آری بو اوج بلا اهل ولانی یاندیرور
.
قلبیدن بیز شادمانوق بو قیام اعظمه
داغ هجراندور فقط بو کاروانی یاندیرور
.
ای (نوید)بسدور بو قدری شرح آلام و بلا
چون مرور درد و غم اهل عزانی یاندیرور
.
پرده لی سعی ایله یاز آل رسولون محنتین
پرده سیز سوز سینۀ صاحب زمانی یاندیرور
.
#مجلس_ابن_زیاد
#زینب_ای_صاحب_لوای_نهضت_سلطان_عشق
#آسال_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید