ساقى نامه
.
✍️ #زبدةالاشعار ✍️
.
🆔: @nohe_torki
.
مرحوم میرزا محمد تقی قمری
.
ساقى اماندی ویر منه بیر جام خوشگوار
گچدى زمان دى یتشوب فصل نوبهار
.
بیر لحظه شاد قیل غم اندوهیدن منى
جام صبوح ویر که اولام بلکه هوشیار
.
افتاده ام دوت اللّریمى ایله بیر ثواب
امداد قیل که بلکه باشمدان گیده خمار
.
قیل تردماغ بیر مى گلفامیدن بو گون
میدان نظم ایچینده ایدیم طرفه کارزار
.
افلاکه قالخیزوم علم نظم شقه سین
مدح على اولا نه على، شیر کردگار
.
هانسى على ولىّ خدا شاه لافتا
جنگ احدده صاحب لاسیف ذوالفقار
.
وصفین بیان ایدوم او شهون بیر نظامیله
مبهوت اولا فلک قالا حیرتده روزگار
.
شهباز اوج طبعیم آچوب یاخشى بال و پر
گلزار نظم و نثریده ایلر عجب شکار
.
پرواز ایدر گهى احده مین سروریلن
گه کربلا طرف دولانوب ایلر آه و زار
.
گاهى گورر بویاندا یدالله شجاعتین
گاهى باخار حسینه اولار چشمى اشک بار
.
گه ذکر ایدر رشادت داماد احمدى
گه قاسمون طویوندا ایدر گوز یاشین نثار
.
حیدرله مصطفانى گهى قول بویون گورر
قولسوز دوشوب فراتیده عبّاس نامدار
.
گاهى باخار او سمتیده اوچ مین صحابیه
گاهى گورر بویاندا جوانان گلعذار
.
آلقانه غرق اولوب تن عریان بى کفن
تپراقلار اوسته جمله سى بى غسل و بى مزار
.
اولموش همیشه بزم مصیبتده نوحه خوان
قمرى صفت فغانه گلور لیل والنّهار
.
.
#حیدریه_قمری
#ساقی_نامه
#حیدریه_مدح
#ساقى_اماندی_ویر_منه_بیر_جام_خوشگوار
#ترکی
.
✍️ #زبدةالاشعار ✍️
.
🆔: @nohe_torki
نظر دهید