ای دل چوخ ایتمه ناله غم روزگاریدن #پندیات_معینی_فرد

چراغ هدایت
.
✍️ #زبدةالاشعار ✍️
.
🆔: @nohe_torki
.
مرحوم سید ولی الله معینی فرد (واله)
.
ای دل چوخ ایتمه ناله غم روزگاریدن
گورسنمیوب کنار اولاگل جور خاریدن
.
دل باغلاما بو دار فنانين جلالینه
آیری سالوبدی دور مُلک یاری یاریدن
.
ناله ندور شکایت بیجا نه حُسنی وار
ال چک بو قدر شِکوه دن هم آه و زاریدن
.
دنیا خوش اولسا بش گونی بش گونده توشه دور
کیم گوردی خوش همیشه بو دار و دیاریدن
.
بو گلشنین بهارنین آردینجا وار خزان
طوبی او کیمسه بهره آپاردی بهاریدن
.
شاہ و گدا و عالم و جاهل قالان دگیل
آلموش زمانه تاجنی چوخ تاجداریدن
.
انسان اولان هدر ایلمز عمر پربها
چخماز کناره حیطۀ وقر و وقاریدن
.
آزاده لر یولون گیدوب حفظ ایلر آبرو
دنیادن أوتری سالماز اوزین اعتباریدن
.
همت قيلوب زمانه ده شاد ایله دللری
گرد ملالی سیل، دل خرد و کباریدن
.
مهر و محبتیله سو سپ اودلی دللره
سوندیر شرار و سوزی دل پر شراریدن
.
گوردون اگر فشارہ گرفتاریدور بیری
امکانون اولسا جهد ایله قورتار فشاریدن
.
عفو ایله پیسلق ایتسه بیری آلما انتقام
وار انتظار عفوون اگر کردگاریدن
.
قصر و منال و دبدبه بش گون بیزیمکی دی
کیم قبرینه آپاردی بو دار و نداریدن
.
بیزدن قوری بیر آددی قالان یاخشی یا که پیس
قوی نام نیک خلق آرا بو یادگاریدن
.
دوت دامن ائمۀ اطهاری صدقیله
ال چکمه دامن شَهِ دُلدُل سواريدن
.
اُلفت بناسی قوی شهِ عطشان حسينله
آل حاجتون او شافع روزشماریدن
.
سلطان عارفان شه آزادگان حسین
دین اوسته گیچدی اکبری تک گلعذاریدن
.
ال بوشدی یوز قارا، قوتاروب عمر «والها»
توفيق عفو ایسته حَقِ کردگاریدن
.
#پندیات
#ای_دل_چوخ_ایتمه_ناله_غم_روزگاریدن
#معینی_فرد
#ترکی
.
✍️ #زبدةالاشعار ✍️
🆔: @nohe_torki