میلادیه حضرت امام محمد باقر (ع)
.
.
سیدبشیر حسینی میانجی
.
ساقیا بوگجه لطف ایله بیزه وئر باده
گوزوموز قالمیا تا جام می میناده
.
.
رسمیدور عاشق اولار اوز یارینون مشتاقی
بورا میخانهدی بیز باده پرست ای ساقی
شادلیق ایامیدی شاد ایله دل عشّاقی
البشارة سسی امواجه سالوب آفاقی
مجلس جشن و طرب واردی بیزیم مأواده
.
.
باقر آل محمّد، یئره چون قویدی قدم
بیزی سرمست حضور ایلدى اُول کان کرم
ساغر و جامی چکاق عشقیله بیز باشه بو دم
اورهگی شاد ائلیین نغمه اوخی قالمیا غم
عرض تبریک دیاق تا آقامیز سجّاده
.
.
دیل قوشو اوچدو بوگون ترک ائلیوبدور قفسی
گول کنارینده گولوستانی دوتوب نغمه سسی
گوزدن آتدی گولون عشقینده بوتون خاروخسی
گوزلرین آچدی بو گونده حَسَنینون نوه سی
گون کیمی پارلادی ایشّقلی یوزی بطحاده
.
.
قولاق آس بو سوزه ای واعظ و مادح، شاعر
وصف ائدنماق اونو هر قدری اولاق گر ماهر
گیینرمیش آقا هر یئرده لباس فاخر
وئردی پیرایه بو دنیایه امام باقر
اودی واردور شغف و شور و شعف دنیاده
.
.
عُلماده بلی تصدیق ائلیوبلر بو سوزی
علمنه حلمنه حیرتده قالوب علم اوزی
آفرین بیر بئله مولوده که شهلادی گوزی
آناسی فاطمه باخدی او گوله گولدی یوزی
گوردی گویچکدی، قدی بنزیوری شمشاده
.
.
وصفینی یازماقا آلدیم بوگئجه منده وضو
ولی هاردان یازا بیلّم اونا بیر مدح نکو
آب دریانی دوتانماز بلی مین جام و سبو
عالم علمده دریادی پیمبرکیمی بو
غرق اولار هامّی بیلنلر بئله بیردریاده
.
.
واریمیش خوش سسی بو بلبل شیرین سخنین
ایگلیرمیش ملک و حوری او گول پیرهنین
لحن زیباسی آلارمیش دیلین اهل وطنین
یوخ نظیری، نوهسی اولموش حسین و حسنین
مرحبا سویلدی حقّا علی و زهراده
.
.
هاشمی خالی یوزینده بیز ایچون بیر، دانه
دامدور زلف و خطی عاشق اولان انسانه
شمع دور حضرت باقر بیز اونا پروانه
مین سلامیله تحیت اولا بو جانانه
که سلام یولاّدی جابردن اونا طاهاده
.
.
بیری سویلورکه دوا ایستیورم بایراملوق
بیری سویلورکه شفا ایستیورم بایراملوق
بیری سویلورکذا ایستیورم بایراملوق
من ولی کرب و بلا ایستیورم بایراملوق
چون «بشیرین» بودی تنها دیله گی دنیاده
.
.
#باقریه_میلادیه
#ساقیا_بو_گجه_لطف_ایله_بیزه_وئر_باده
#سیدبشیرحسینی
#ترکی
.
.
نظر دهید