شهادت حضرت رسول اکرم (ص)
..
..
مرحوم واقف و مرحوم بیخود سرابی
..
..
محبوب چون حبیبینه کشف ایلیوب جمال
عنقای اوج قدس آچوب شهیر وصال
..
بوکشف و بو جمال ده حیران قالوبدی عقل
بو اوج و بو جلال ده مبهوت اولور خیال
..
خاتم ویروب حبیبینه جبریل خاتمین
دیباچۀ وجوده سالوب نقش ارتحال
..
اولدی حبیب مژدۀ وصلیله شاد کام
بو مژدۀ سرورده یوز ویردی اوزگه حال
..
احباب فرقتیله اولوردی شکسته میل
محبوب وصلتیله اولوردی شکفته حال
..
تکمیل ایدن زمان دا صَغَر دوره سین تمام
قیلدی صفر رَفیعدَه گوستر مه سین هلال
..
عرض ایلدی رسوله که یا ایّها الرسول
احضار قرب ایدوبدی خداوند ذوالجلال
..
ارواح انبیایه سن عرش اوسته اول امام
بانگ نماز چکماقا قوی من اولوم بلال
..
شمس نبوت ایستدی تا ایلسون غروب
گزلین وَدایعین قمره ایتدی انتقال
..
چون صدمۀ بلا یتشوب قطب عالمه
دوندی مدار گون بوریوب عالمی ملال
..
سسلندی یا علی ویرورم جان ئوزون یتور
جان تک قوجاقلا جسمیمی باشیم کناره ال
..
مهریه ماه منزل جوزاده جمع اولوب
بو حال حال دینده ایلوردی عرض حال
..
مندن صورا نقدر بلا گلسه صبر قیل
صبر ایتمه سن مدار شریعت تاپار زوال
..
عالمده یا على بو در وحی یانماسا
هر نفس اولماز ایلیه اظهار لا یزال
..
اسلام منهدم اولی باغلانماسا قولون
حق ظاهر اولماز اولماسا زهرا شکسته حال
..
تیز گلگیلن دالیمجا سنده عم اوغلی دایانما چوخ
امّا قزیمدی فاطمه امرین قباقه سال
..
چکدیم نقدر زحمت تبلیغ امر حق
اجر رسالت ایلیه لر احترام آل
..
گچمز او قدر اوغلوم حسینون عراقده
فتوا ویره لَّه قانینی ایتماقلقا حلال
..
ویرسون گرک فرات کنارینده تشنه جان
سو ایچمه سین سوسوز توکولور قانی چون زلال
..
شمشیریله وجودینی ایللَّه خطّ خطّ
پیکان دمینده سینه سین ایللَّه خال خال
..
عباس محنتنده کَسَه خصم چاره سین
ایللَّه الف قامتین اکبر غمینده دال
..
باشسیز قالور جنازه سی چوخ خورد خورد اولور
باشسیز عیالی ایلمه سون رؤیت احتمال
..
خورشید تک امام ایده جاق شامده غروب
زنجیریله خرابه ده ساخلالّا ماه و سال
..
باشی گھی تنوره سالار بانگ هایهو
گاهی گزر جداده سالار دیره قیل و قال
..
کرب و بلا چولونده قالار روحی زینبین
بزم یزیده گیتسه گیدر قالب مثال
..
تاراج ایدنده خیمه لرین چوللره قاچار
آتلار ایاقلیوب قریلور طفل خردسال
..
شامه گیدنده قول قولا باغلی غَنَم کیمی
هرگون بُلوک لَنور قریلور بیر بلوک عیال
..
مور ضعیف بیخود و واقف شها بو نظم
پای ملخ دى الده چکللر چوخ انففال
..
..
..
#پیامبراسلام #واقف_سرابی #پیامبراسلام_بیخود_سرابی #واقف_سرابی #ترکی #زبدةالاشعار #پیامبراسلام_شهادت
نظر دهید