سالاردی صفلره لرزه صلابت حمزه #حضرت_حمزه_سایرشعرا

مناقب حضرت حمزه علیه السلام
..
..
..
جمعی از شعرای گروه بوستان شعر و ادب تبریز
..
..
..
سالاردی صفلره لرزه صلابت حمزه
زبانزدیدی عربده شجاعت حمزه
..
گورنده هیبتینی تیترییردی اصلانلار
زبس قویّ و ستبریدی قامت حمزه
..
جدلده گر اوجالیدی صدای تکبیری
قویاردی دشمنی واله شهامت حمزه
..
او گون کی دینون اولوب اولین علمداری
جهانه ثابت اولوبدور لیاقت حمزه
..
گلیبدی شوره شریعت تاپیپ شعف اسلام
دیینده شوقیله ” تهلیل ” حضرت حمزه
..
آتاندا قبضه ی شمشیره ال قاچاردی قشون
چوخیدی رزمیده از بس مهارت حمزه
..
حسیندن اولدی قباق، حمزه سیدالشهدا
بیوک شرفدی بو ارزشلی سبقت حمزه
..
ملقب اولدی شهیدان آقاسی دنیاده
دله گلن دگی وصف جلالت حمزه
..
متابعت ائلییردی پیمبر امریندن
زبانزد عرفادور بصیرت حمزه
..
شریعت نبویدن اطاعت ائیلردی
اولوبدی امته اُلگو عبادت حمزه
..
قویاردی عالمی حیرتده شیوهء جنگی
زبانزدیدی عرب ده درایت حمزه
..
اولوبدی بدرده فرمانده سپاه رسول
لوای حقّی اوجالدیب ذکاوت حمزه
..
یاتاردی بیرق دینِ پیمبرِ خاتم
گر اولماسیدی بو دیندن حمایت حمزه
..
به جز شجاعت و مردانگی و جود سخا
مُشهّریدی دیوللر قضاوت حمزه
..
وقار و صولت و سطوت ده مشتهردی بلی
سالاردی دشمنه لرزه ، مهابت حمزه
..
حماسه لر کی یاراتدی اُحد غزاسینده
جهانه ثابت اولوندی اصالت حمزه
..
وجودی لشکر اسلامی تقویت ائیلوب
قریشی سالدی ایاقدان رشادت حمزه
..
یقین دوشردی اوگون دین مصطفی خطره
اوجاتدی دین علمین استقامت حمزه
..
زبانزدیدی محافل ده قرنیلر اوزونی
شجاعتندن علاوه دیانت حمزه
..
چکردی شیر ژیان مثلی نعره میداندا
سالاردی تپراقا اعدانی ضربت حمزه
..
ویراندا سیلی محکم جهالتین یوزونه
عیان اولوبدی جهانه صراحت حمزه
..
پیمبرین سپریدی نقدری تا واریدی
عیاندی خلقه مسلّم صیانت حمزه
..
بویوردی ختم رُسُل عِزّ و شَانی والادور
چوخ اولدی حالیمه شامل محبّت حمزه
..
شهادتی ولی پیغمبرین بئلین اگدی
چاتوبدی باشه اگر چه رسالت حمزه
..
پیمبر حالی پوزولمازدی جنگیده،لاکن
گتوردی نالیه ، پوزدی شهادت حمزه
..
نه نوعی آغلامیوم؟ دوغرویوبلا عضولرین
سالور خیاله حسینی مصیبت حمزه
..
فدا اولوم او شهیدین جلال و عزتینه
پیمبرین دایاقی اولدی قدرت حمزه
..
لقب تاپیبدی شهیدلر آقاسی عالمده
ملول ائدوبدی جهانی جراحت حمزه
..
شریفیدی شرف اوسته، شهادته یتشوب
شرف شریعته وئردی شرافت حمزه
..
گرک بصیرتی الگو اولا دیانتده
ستایش اِیلَمه لیدی ولایت حمزه
..
وئرر اؤرگ چؤخی دینون بقاسی عشقینده
«جگر» وئرنده بیلیندی سخاوت حمزه
..
عباسین ئورتیک ائدوبدور جنازه اوسته نبی
نهان قالا باجیدان جسم و صورت حمزه
..
اولاندا صحبت مردانگی وجانبازی
دوشر خیاله اودم قابلیت حمزه
..
یتیشدی مرتبت سید شهیدانه
اولوب بو رفعته علت حمیّت حمزه
..
ویراندا صورت بو‌جهله سیلی محکم
سران کفره بیلیندی حقیقت حمزه
..
اولاندا قبرینه زائر اُحددا عاشقلر
توکلله گوز یاشی ذکر اولسا مِحنت حمزه
..
خوشا مَراموزه ای “بوستانلی” شاعرلر
یئتر بو جَمعوزه تک تک شفاعت حمزه