مدح حضرت امام حسن مجتبی علیه السلام
#گریز به شهادت
…..
عُلیَوی
…..
سبط ختم الانبیا سالار جنتدور حسن
مرتضانون اوغلودی کان شجاعتدور حسن
کیم قالا مشکلده سسلر یا کریم اهل بیت
اهل عالم چون بیلور کنز کرامتدور حسن
گر اونی وئرسون قسم مظلوم حسینون جانینه
دردیوه درمان ائدر چون باب حاجتدور حسن
مرتضی چوخ جنگیده صاحب لوا ایلوب اونی
سوئلیوب شیر اوغلیدی دریای قدرتدور حسن
حضرت زهرانون اول اوغلیدور هم حیدرین
قدسیان نازنین چکللر با فضیلتدور حسن
هفتم میلادی قربانلیق کسوب ختم نبی
نور عینیمدور دئدی فخررسالتدور حسن
امتین جاهللیگی صلح ائتمگه مجبور ائدوب
سازش ائتمز کفریلن چون باشهامتدور حسن
هم حسینین هم ابوالفضلین بویوک قارداشیدور
ظالمه اگمز باشین دریای غیرتدور حسن
گوردی گر ساکت اوتورسا دین حق الدن گدور
لاجرم صلح ایلدی استاد حکمتدور حسن
مرقدی گونلر قباقینده قالوب زهرا کیمین
یعنی حیدردن صورا مظلوم عترتدور حسن
گور کیمین اوخلاندی تابوتینده یورقون پیکری
گوئیا بیلمیردیلر شمس امامتدور حسن
گرعلی مظلوم اولوب دلخوشدی که زهراسی وار
دلخوش اولسون گور کیمه غرق مصیبتدور حسن
گورکیمه دردین دئسون ئوزهمسری مسموم ائدن
واضحین شرح ایلسک آماج محنتدور حسن
سسلدی گل داده زینب مجتبی الدن گدور
فانی دنیادن قوتاردی مست رجعتدور حسن
دور گتور بیر طشت باجی لبلریمنن قان دامور
گلمسون الدن گدر در حال رحلتدور حسن
ای بتولین یادگاری گل گوزیمی باغلا گئت
قبلیه دوندر که در حین شهادتدور حسن
سسله عباس و حسینی تا خداحافظ ائدک
گورسون ئوز قارداشلارین تا که سلامتدور حسن
کربلاده اولمارام امداد ائدم قارداشیمه
قاسمی منن قبول ائتسون خجالتدور حسن
سن شفاعت ایسته مولادن بو شعره «#علیوی»
روز محشر شافع اهل ولایتدور حسن
#حسنیه_مدح
#حسنیه_شهادت
#سبط_ختم_الانبیا_سالار_جنتدور_حسن
#علیوی
#ترکی
نظر دهید