سجده اوسته شه محشر یخیلدی #حیدریه_امانی_اردبیلی

ضربت خوردن حضرت علی(ع)
.
.
.
#سبک_مسجد_کوفه_ده_سلطان_یخیلدی
📣 مشابه با صدای حاج نادر #جوادی_اردبیلی
.
.
حاج علیرضا امانی مجد اردبیلی
.
.
سجده اوسته شه محشر یخیلدی
تپراقا فاتح خیبر یخیلدی
کوفه نین مسجدی فریاده گلدی
دگدی باشدان یارا حیدر یخیلدی
.
.
ابن ملجم شه مردانی وردی
اهل ایمان اولان ایمانی وردی
ذکر قرآنیلن قرآنی وردی
قانه غرق اولدی سرتاسر یخیلدی
دگدی باشدان یارا حیدر یخیلدی
.
.
.
قانلی ابرولره مرجان دوزولدی
حالدان گئتدی علی گؤزلر سوزولدی
زینبین اللری الدن اوزولدی
شاهنشاه صف محشر یخیلدی
دگدی باشدان یارا حیدر یخیلدی
.
.
.
معنی ذات بسم الله علیدور
عدلین آیینه سی والله علیدور
بو ایاقدان دوشن الله اَلی دور
مسجدده گل کیمین پرپر یخیلدی
دگدی باشدان یارا حیدر یخیلدی
.
.
.
ای کوفه خسته شبگردون نئج اولدی
ای گجه ماهی هم دردون نئج اولدی
کوچه کوچه گَزن مَردون نئج اولدی
ووردولار فرقینه خنجر یخیلدی
دگدی باشدان یارا حیدر یخیلدی

.
#حیدریه_شهادت #حیدریه #امانی_اردبیلی
#سجده_اوسته_شه_محشر_یخیلدی
#ترکی
#زبدةالاشعار