سرزمین قوم باایماندی آذربایجان #وطن #حضرتی_ناعمی

آذربایجان
.
✍️ #زبدةالاشعار ✍️
.
🆔: @nohe_torki
.
علیرضا حضرتی (ناعمی)
.
سرزمین قوم باایماندی آذربایجان
افتخار و عزّت ایراندی آذربایجان
.
قوی مخاطب ایلیوم اؤز یودومی، اؤز اؤلکه‌می
قوی دئیوم جانیم سنه قرباندی آذربایجان
.
بیر اووج تؤپراقیوی دنیاییلن ائتمم عوض
گر عوض ائتسم، بویوک خسراندی آذربایجان
.
عرش اعلایه شرفده باش اوجالدوب داغلارون
سرفراز دورۀ دوراندی آذربایجان
.
یاز گلنده چؤللرونده گول چیچک موج ایلیر
لاله‌لردن قیرمیزی الواندی آذربایجان
.
جنّتٌ تجرینی الله سنده تصویره چکوب
بسکه انهارون سنون جوشاندی آذربایجان
.
قهرمانلار بسلیوبسن آدلی سانلی دهریده
مرحبا اوغلانلارون اصلاندی آذربایجان
.
سنده ظلمه باش اگنلر خوار اولار دنیا بویی
تابع اولماق ظالمه عصیاندی آذربایجان
.
سنده عصمت درسین اؤرگتدی سارایلار عالمه
ایندی‌ده سئللر اونا حیراندی آذربایجان
.
شهریارون شهریار شهر شور و عشقیدی
چرخ عزّتده مه تاباندی آذربایجان
.
ائللرون ائللرده باشدی، یللرون یللرده باش
باخمیشام تاریخه من طوفاندی آذربایجان
.
بو تشیّع مذهبی رسمیّتین سندن تاپوب
ایندی بو مطلب کیمه پنهاندی آذربایجان
.
یاعلی دوشمز دیلیمدن من قیزیل‌باش اوغلویام
شاهیم عالمده شه مرداندی آذربایجان
.
هر یئرینده عالمین اولسامدا سنده گؤزلریم
آیریلیقدان بو اورک القاندی آذربایجان
.
غربت ائلده خسته جانم جان دوداقیمده «حبیب» (1)
ازبریم بو سؤزدی هر آن، جاندی آذربایجان
.
(1) برگزیده ای از کتاب «گلستان ولایت ناعمی» که شاعر این غزل را به روح برادر مرحومش «حبیب حضرتی» تقدیم کرده است
.
.
#وطن #حضرتی_ناعمی
#آذربایجان
#سرزمین_قوم_با_ایماندی_آذربایجان
#ترکی
.
✍️ #زبدةالاشعار ✍️
.
🆔: @nohe_torki