زبدةالاشعار

سرشک چشمین اولوب ابر نوبهار قیزیم #حضرت_رقیه_مضطر_قفقازی

زبانحال زینب (س) به رقیه(س)
.
✍️ زبدة الاشعار ✍️
.
🆔: @nohe_torki
.
مرحوم مضطر قفقازی
.
سرشک چشمین اولوب ابر نوبهار قیزیم
آخار بو صفحه رخساره زار زار قیزیم
.
سارالدی رنگ رخون تپراق استه یاتماقدان
فلک سنی ایلدی بیله خاکسار قیزیم
.
اسوب سموم جفا گلشن حیاتینده
بسان غنچه سولوبدور بو گلعذار قزیم
.
بو گیجه وجهی ندور یاتموسان یوخون گلمور
اویان بویان دونوسن بیله بیقرار قیزیم
.
همیشه سینمه باشین قویوب یاتاردون سن
سبب ندور بو گیجه اولموسان کنار قزیم
.
آز آغلا چوخ اوجادان آغلاما امان گونیدور
که قورخورام گله اول شمر نابکار قیزیم
.
سنین بو ناله سسین قویموری منه طاقت
باخوب بو حالتیوه اولام اشکبار قیزیم
.
چتیندی بیرده علی اکبرین یوزون گوره سن
گوزین قاپودا قالوب چکدون انتظار قیزیم
.
زبسکه غصه چکوبسن خرابه ایجره مدام
داخی بو جسمیده یوخ تاب و اختیار قیزیم
.
اولونجه غصّه انیسیندی همدمین ناله
قضا بلایه سنی ایلیوب دچارقیزیم
.
طناب قولاریوی چوخ کسوبدی اینجموسن
قالوبسان آج قوری یرلرده دلفکار قیزیم
.
لباس کُهنَوه باخدوقجا اودلانور قلبیم
دیار شامیده اولدون بو نوع خوارقیزیم
.
بو حسرتیله بو ویرانه ایچره جان ویروسن
کفن کیم ایلیاجاق قبرکیم قازار قیزیم
.
قالار بو شامیده قبرین سنین غریبه مزار
مگر ایدر حاجیلار قبریوه گذار قیزیم
.
.
#حضرت_رقیه_شهادت
#سرشک_چشمین_اولوب_ابر_نوبهار_قیزیم
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...