زبدةالاشعار

مهدی ظهور ایلسه عالمی شادان اولار #مهدیه_عدلی_تبریزی

یا مهدی
.
✍️زبدةالاشعار✍️
.
🆔: @nohe_torki
.
حاج اصغر فرشچی ( عدلی تبریزی )
.
مهدی ظهور ایلسه عالمی شادان اولار
کرسی احکامیده عدل اولی دیوان اولار
.
مهدی ظهور ایلسه هاردا که گوز یاشی وار
لعل اولی گوهر اولار دُرّ اولی مرجان اولار
.
مهدی ظهور ایلسه یوردوموزون داغ داشی
گول آچی گوللر بیتر طرفه گلستان اولار
.
یازگَلی یللر اسرگویده بولود سیل آخار
بلبله گوللرگولر قمری غزلخوان اولار
.
مهدی ظهور ایلسه چولده گورمیش تیکان
هربیری بیرقرمزی لالۀ نعمان اولار
.
عالمه اورگتماقا علم و فنون حیات
بوللی معلم له بو عرصه دبستان اولار
.
مهدی ظهورایلسهه اوچ یوزاون اوچ یاری وار
کلمۀ حقی یایار عالمه اعلان اولار
.
نورعدالت ساچار عرش خدادن یره
یرده گولراهلی ده سویملی دوران اولار
.
ظلم و ستم قورتولار زورالینی باغلادار
قان توکن هر انسانی قانینه غلطان اولار
.
حاکم ایدر دنیادا مهرو وفا سایه سین
کینه و قهرو غضب واصل نیران اولار
.
مهدی ظهور ایلسه مِحنت هجران گیدر
دل ایوی تزئین اولار دنیا چراغان اولار
.
تا ویری نقش عدم یوخسولا یوخسوللوقا
آج توخ اولار توخ دادا وجدان اولار
.
مسلم آدیله کسن باشلاری اول داعشین
باشلارینی کسماقا قدرت و امکان اولار
.
ریشۀ پیسلیق قورور بار ویری نخل سرور
دهریده پیس لردونریاخشی بیرانسان اولار
.
هاردا خیانت الی باش ویره بو اُلکده
عالمین اهلی بولر فوری نمایان اولار
.
مهدی ظهور ایلسه بدعت وآئین بد
جمع اولی بوعرصه دن هامّی مسلمان اولار
.
حجب وحیا آیه سین ایلسه تفسیر اوزی
درک اولی احساس اولار قرآنا ایمان اولار
.
وصلت یارآختاران« عدلی»دوزر هجرینه
بیر گون اولار یار گلی بیزلره مهمان اولار
.
.
#مهدی_ظهور_ایلسه_عالمی_شادان_اولار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای سحر اولدوزی چوخ تیز نیه باتدون آناجان #فاطمیه_نجمی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی