سرور جان نمازیدور گل جهان نمازیدور #نماز #منعم_اردبیلی

الصلوة معراج المؤمن
.
#زبدةالاشعار
.
: @nohe_torki
.
مرحوم منعم اردبیلی
.
سرور جان نمازیدور گل جهان نمازیدور
جهان فنادی سربسر سنه قالان نمازیدور
.
ائلیکه قبره قویدولار قیتدی گئتدی اقربا
او خوف ناک منزله چراغ اولان نمازیدور
.
او بازپرس لر که وار غضبلی رشوه آلمیان
او دادگاهیدن وجودی قورتاران نمازیدور
.
یوز ایرمی دورت مین انبیا نمازی تاپشوروب گئدوب
مرام مقصد خدا پیمبران نمازیدور
.
قریلسا سیم مرکزی گئچر تمام برق لر
همان او سیم خالق جهانیان نمازیدور
.
اماندی قیرما ای بشر او سیم ارتباطوی
قرالتما قلبوون ائوین ضیای جان نمازیدور
.
بشر گلیبدی فوقیدن جهانه کامل اولماقا
گرکدی امتحان وئره او امتحان نمازیدور
.
قیامتون بساطینه گئدنده یوخدی سایه بان
اگر تاپولسا سایه بان او سایه بان نمازیدور
.
یاتارسان اوندا یوز مین ایل گئدنده داشلار آلتینا
سنون انیس و مونسون همان زمان نمازیدور
.
عروس صبحلر یاتا دورار خروس اذان وئرر
دییر که یاتما ای بشر اولوب اذان نمازیدور
.
خروس اذانچیدور ولی باشیندا چوخ بلاسی وار
اذان وئرنده سسلنور او سس همان نمازیدور
.
اذانچینون باشون کسوب وئرولّه بی نمازیچون
بِلَنچی بی مروّته عدو اولان نمازیدور
.
علی ئولنده باشینه یغشدی خانواده سی
دئدی وصیّتیم سیزه همین زمان نمازیدور
.
.
#سرور_جان_نمازیدور_گل_جهان_نمازیدور
#ترکی
.
#زبدةالاشعار
.
: @nohe_torki