سس کوفه دن اوجالدی حیدر بویاندى قانه #حیدریه_چوپانی_مشعل

ضربت خوردن مولا علی (ع)
. 
. 
.
قدرت چوپانی
.
سس کوفه دن اوجالدی حیدر بویاندى قانه
محرابیده او شیر داور بویاندى قانه
.
مسجد بویاندى قانه منبر بویاندى قانه
سجده ایدن جبین انور بویاندى قانه
.
ایتدی دوباره سجده اللر بویاندى قانه
سجاده اولدی قانلا احمر بویاندى قانه
.
باش قوزادی جمال اکبر بویاندی قانه
فزت و رب دیینده لبلر بویاندى قانه
.
آغزینداکی لسانی داور بویاندى قانه
کپریک چالاندا حق بین گوزلر بویاندى قانه
دشمن الینده عریان خنجر بویاندى قانه
.
.
سسلور هواده جبریل شاه ولایت ئولدی
معنی لفظ ایمان حق و حقیقت ئولدی
.
اهل شهامت ئولدی باب کرامت ئولدی
مرد دیانت ئولدی تقوا و وحدت ئولدی
.
دین ئولدی ملت ئولدی دنیای امت ئولدی
سیمای رحمت ئولدی تفسیر همت ئولدی
.
پیغمبرین وصی سی نور هدایت ئولدی
شهکار خلقت ئولدی سردار غیرت ئولدی
.
امت الیندہ میر کوثر بویاندى قانه
.
.
شام مظفر ئولدی فتاح خیبر ئولدی
سلطان محشر ئولدی میر آب کوثر ئولدی
.
اسلامه کاتب ئولدی دیوان و دفتر ئولدی
دلدل سوار تنها مولای قنبر ئولدی
.
بیچاره لر پناهی باب یتیملر ئولدی
دینون ایتی قلنجی شیر غضنفر ئولدی
.
باغ بیلیین او پینه باغلانمش اللر ئولدی
اولدی گل شرافت پرپر بویاندى قانه
.
.
محراب ایچنده شاه مردان بویاندی قانه
تنها نه شاه مردان ایمان بویاندی قانه
.
ایمان نه بلکه سؤیله قرآن بویاندى قانه
بهته دوشوبدی چرخ دوران بویاندی قانه
.
دست خدا دگول بو انسان بویاندی قانه
ارض و سما ایدوبدی طوفان بویاندى قانه
.
گویا تمام دنیا یکسان بویاندی قانه
یر اوسته ذات حقه مظهر بویاندی قانه
.
.
باش سجده دن ایلیکه گوندی او شاه خوبان
شمشیر ظلمت اندی دنیایه سالدی طوفان
.
دگدی علی باشیندان اسلامی ایتدی بی جان
اهریمنین الینده قتله یتوب سلیمان
.
قتل العلى صداسی گویلردن اولدی اعلان
قان دامدی صفحه صفحه قانه بویاندی قرآن
.
یوز گوزده قان ایدوبدی خوش منظره نمایان
لبلرده قان دوروب چون گوهر بویاندى قانه
.
.
آچدی گوزون او حالدا اول شاه با کرامت
امر ایلدی حسنجان قیل سوزلریمه دقت
.
وئر بو نمازه الان اوغلوم اول تمامت
بیرده ائدیم سنونچون من عمده بیر وصیت
.
گرچه مرادی اوغلی ایتدی بویوک جنایت
اما اونا مبادا قویما اولا اذیت
.
امر خدادی اوغلوم ایله اسیره حرمت
عفو ایلرم او شومی قالسام اگر سلامت
.
ئولسم ولی ائدر سوز بیر ضربته کفایت
بیر ضربتیله چونکه حیدر بویاندی قانه
.
.
بیرده اوغول بو شهرین چوخدور یتیم اوشاقی
مندن صورا اولاره باش ور آتا سیاقی
.
نسگلّیدور یتیمین نصف شب آغلاماقی
هر آغلیاندا چولغار اندوهه نه رواقی
.
چوخ ائوده یاندیران یوخ بیر عاطفت چراغی
بیکسلرین منیدیم بیرجه امید اوجاقی
.
بازیدی هر یتیمه دائم على قوجاقی
گر بو گجه یوبانسا بیچاره لر قوناقی
.
یاتمازلا صبح اولونجا بیلموله دست یاغی
وردی گلوی عدله نشتر بویاندى قانه
.
.
بیرده منیم یوزومدن پاک ایلیون بو قانی
درگاه وحیه جسمیم حمل ایلین زمانی
.
سعی ایله بیلمه سونلر قزلار بو ماجرانی
گورسه منی بو حالدا گر فاطمه نشانی
.
قورخار آماندی زینب عرشه چخار فغانی
ناراحت اولسا زینب دردیم تاپار گرانی
.
یوخ طاقتیم بالامی آغلار گورم زمانی
گلزار زینب اولدی پرپر بویاندى قانه
.
.
#حیدریه_چوپانی_مشعل
#حیدریه_شهادت
#سس_کوفه_دن_اوجالدی_حیدر_بویاندى_قانه
#ترکی
#زبدةالاشعار