زبدةالاشعار

وصلده سرگرم دیدار اولمیان بیلمز نه وار #مهدیه_فاطمیه_سعدی_زمان

یا مهدی
#گریز #فاطمیه_شهادت
.
✍️زبدة الاشعار✍️
.
🆔: @nohe_torki
.
مرحوم حسینی سعدی زمان
.
وصلده سرگرم دیدار اولمیان بیلمز نه وار
هجرده محو رخ یار اولمیان بیلمز نه وار
.
نالۀ بلبلده، رنگ گولده جور خارده
گولدن اوتری خار تک خوار اولمیان بیلمز نه وار
.
پای داره گئتماقین عشق اوسته وار بیر نشعه سی
پیکری آویزۀ دار اولمیان بیلمز وار
.
صورت لیلاده اشگ دیدۀ مجنونیده
نجد صحراسینده عیّار اولمیان بیلمز نه وار
.
عشق بیر عالمدی عقلین اصلا یوخ یولی
کعبۀ جانانه زوّار اولمیان بیلمز نه وار
.
عاشقم بیر دلبره من پردۀ غیبتده دور
گوز یاشیمدا چشمی خونبار اولمیان بیلمز نه وار
.
جان عالمدور نگاریم اونسوز عالم جسم محض
بو مقاماته سزاوار اولمیان بیلمز نه وار
.
بولمورم آغلار گوزیله هاردا سرگردان گزر
گوزلری من تک گُهربار اولمیان بیلمز نه وار
.
ای حقیقی منتقم گئچدی جفا اندازه دن
سرّ تأخیرونده اخیار اولمیان بیلمز نه وار
.
انتقامین گل آنان زهرانین آل اشراردن
برق شمشیرونده اشرار اولمیان بیلمز نه وار
.
نه دیوم نه چکدی زهرا امّت بی شرمدن
سرّ مکنونه هم اسرار اولمیان بیلمز نه وار
.
قویدولار دیوار آراسیندا بتولی مشرکین
حضرت زهرا کیمی زار اولمیان بیلمز نه وار
.
حامله عورت فشار در ووران ظالم قوی
زخمدار کارد و مسمار اولمیان بیلمز نه وار
.
کیم دوزر نامحرم ایچره محرمین یخسون عدو
صبرده دریای ذخّار اولمیان بیلمز نه وار
.
جدّه وون یابن الحسن بطننده کی اولدی شهید
ظلمده مخذول کفّار اولمیان بیلمز نه وار
.
غشّ ایدوب زهرا هجوم آور اولوب اوچ یوز نفر
جنگیده مجروح پیکار اولمیان بیلمز نه وار
.
«رُضَّ ما فی بَطنِها» چوخ معتبر بیر قول دور
عالم اقوال و اخبار اولمیان بیلمز نه وار
.
شیر روباهه شکار اولسا نه احواله قالور
مرتضی تک بستۀ تار اولمیان بیلمز نه وار
.
ارث قویدی مرتضی سجّاده قول باغلانماقی
نه چکر بیمار، بیمار اولمیان بیلمز نه وار
.
عصمت کبرانی قنفذ ووردی سالدی نطقدن
سوز بویوکدور قلبی هوشیار اولمیان بیلمز نه وار
.
#گریز به #کوچ_کربلا
.
چوخ ووروب قنفذ بتولی، یا که خولی زینبی
شرحه دل عاجزدی دلدار اولمیان بیلمز نه وار
.
بو قدر وار قولاری چگنی اولوب نیلوفری
جسمی زنبق یا، سمن وار اولمیان بیلمز نه وار
.
هاشمیّه قیزلار آلدی زینبون اطرافینی
عالم حیرتده پرگار اولمیان بیلمز نه وار
.
فاطمیّاته یتوب ناگه صدای الرّحیل
جبر الیله تارک دار اولمیان بیلمز نه وار
.
قافله یولّاندی قالدی یرده باشسیز جسم لر
دشمنی یولدا جلودار اولمیان بیلمز نه وار
.
نیزه ده باشلار قَتَب اوسته خواتین حرم
نیزه کعبیندن دل افکار اولمیان بیلمز نه وار
.
نیزه باشی قانلی باش گون ایستیسی داش یاره سی
تیغیله آلوده ی ثار اولمیان بیلمز نه وار
.
آج سوسوز خوردا اوشاق منزل اوزاق عریان دوه
خولی و شمره گرفتار اولمیان بیلمز نه وار
.
#ورود_شام
.
نقل ائدور منهال فخرالسّاجدینی شامیده
گوردوم اما جسمی تب دار اولمیان بیلمز نه وار
.
بیر قوری نی تک اولوب ساقینی مجروح و نحیف
گوزلری چون ابر آزار اولمیان بیلمز نه وار
.
سینه سینده جمع ائدیبدور بوینونون زنجیرینی
حلقۀ زنجیریله یار اولمیان بیلمز نه وار
.
کَیفَ اَصبَحتَ دیدیم یا سیّدی، وئردی جواب
محرم اولاد اطهار اولمیان بیلمز نه وار
.
نه چکر باخ گور بیری اولسا یزیده دستگیر
دستگیر دون و غدّار اولمیان بیلمز نه وار
.
گوزلریم دولدی پوزولدی حالیم عرض ائتدیم بلی
خانۀ همسایه ده جار اولمیان بیلمز نه وار
.
گوزلرون قربانی ایسّی گونده عازم سن هارا
ائتدی فرمایش هوادار اولمیان بیلمز نه وار
.
سقفی یوخ ویرانه نین گون ایسّی سیندن حفظ ائده
داری زیر چرخ دوّار اولمیان بیلمز نه وار
.
گون دوشور بوینومدا کی زنجیزی اود تک قزدیرور
یاندیرور ، همخانۀ نار اولمیان بیلمز نه وار
.
دردیمی شرح ایلسم منهال بیر طومار اولار
نامه ده منشیّ طومار اولمیان بیلمز نه وار
.
سرپرستم من بو ویرانه نشین بیکسلره
بیر بولوک ایتامه سردار اولمیان بیلمز نه وار
.
ایلین گوندن مکان ویرانه ده آل علی
نه چکوبلر سرّ دادار اولمیان بیلمز نه وار
.
وئرمیوبلر هاشمیّاته دویونجا بیر طعام
صائم و محتاج افطار اولمیان بیلمز نه وار
.
آج قالوبلار خوردا قیزلار یوزلری گول تک سولوب
گول سولاندا اهل گلزار اولمیان بیلمز نه وار
.
بیر گئجه آل پیمبر بوردا راحت یاتمیوب
صبح اولونجا چشمی بیدار اولمیان بیلمز نه وار
.
بیر اوزون مدّتدی من ویرانه نین دربانیم
من کیمی دربان دربار اولمیان بیلمز نه وار
.
بیز بو صحبت ده دیور منهال ناگه گلدی سس
گل اوغول درده خریدار اولمیان بیلمز نه وار
.
شامین اهلیله دانشما گل پرستار اول بیزه
باشسیز اطفاله پرستار اولمیان بیلمز نه وار
.
قورخورام بُلسون یزید ائتسین اراده قتلیوه
دشمنی جبّار و خونخوار اولمیان بیلمز نه وار
.
تا ائشیتدیم بو سسی دوندوم نه گوردوم لا کلام
قلبیدن ارباب انظار اولمیان بیلمز نه وار
.
بیر اوجا بویلی خانم عورت چخوب ویرانه دن
دخت شه مکشوفه رخسار اولمیان بیلمز نه وار
.
حایل رخسار ائدوب زلف غبار آلوده سین
معجری زلفی سمنبار اولمیان بیلمز نه وار
.
ای «حسینی» یوز قویوب جدّون گینه ویرانیه
اوردا کی ویرانه ده وار اولمیان بیلمز نه وار
.
گوز یاشیله تازه دن ویرانه نی تعمیر ائدوب
فکر تعمیریله معمار اولمیان بیلمز نه وار
.

متن پیشنهادی:  عَمومی گورنده یالقوز ائلدیم اراده عمه

#وصلده_سرگرم_دیدار_اولمیان_بیلمز_نه_وار
#لمعات_حسینی ص 81
#ترکی
.
✍️ #زبدةالاشعار✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی