رجز و شهادت حضرت مسلم بن عقیل (ع)
.
✍️ #زبدةالاشعار ✍️
.
🆔: @nohe_torki
.
حاج شفیع تفاخری اردبیلی
.
من مسلمم حسینه نماینده گلمیشم
فکرائتمیون بوشهره پناهنده گلمیشم
امرایلیوبدی کوفیه گئت منده گلمیشم
جنت آقاسی آل مقامین سفیریم
حق تعیین ائتدیگی اوامامین سفیریم
.
.
گلدوزمنیم قباقیمه سیز ازدحامیلن
اوّلده بیعت ائتدوزعجب احترامیلن
دوتدوزمنی گرامی بیوک بیرمقامیلن
منده اوفکریلن آقاما نامه یازمشام
گلسین حکومت ایلسین اسلامه یازمشام
.
.
دوندوز نه تز دئدیکلروزون عکسین ایلدوز
معناده ناقة اللهی ظلمیله پیلدوز
حق سوزقالوبدی ناحقی دیللرده سویلدوز
قویدوزمنی بوشهریده تنهاگچوب گئدر
عاشق دوزاولساعشقینه قانین نثارائدر
.
.
یادیمه دوشدی منیم مرتضی عموم
بوقومیدن چکوبدی نلر ای خدا عموم
نیلوب بو بی وفالریلن باوفاعموم
نه واربولارداعاطفه نه رحم ونه وفا
نه واربولارداصدق ونه ایمان نه ده صفا
.
.
مین بئله لشکراولساهراسیم یوخ منیم
دوزدوریوخومدی نه کمکیم وارنه مسکنیم
اماعموم علیدی نقدراولسادشمنیم
باک ائتمرم بوکوفه نی من خیبرایلرم
مرهبلرئولدوروب عملِ حیدرایلرم
.
.
بوعرصه گاهی لشکره تنگ ایلرم بوگون
شمشیریمیله تفرقه هنگ ایلرم بوگون
بیرلشکریله تک باشاجنگ ایلرم بوگون
دعوت ائدوب قاچانلاری خارایلیم گرک
سطح جهانداننگه دچارایلیم گرک
.
.
وردی ئوزون اوشیرژیان هرزه لشکره
باشلاربیچیلدی لاشه لریلن دوشوب یره
سرکرده لریول اوسته دچاراولدی خنجره
هرالده بیرقوی کسی قوزاردی بیرباشا
گویده وراردی اول ایکی ملعونی باش باشا
.
.
قیردی اولشکرین چوخون ائتدی انیس خاک
بعضی سین آتدی باملراوسته اولوب هلاک
اطرافیدن آتاردیلا داش ایلمزدی باک
هردم دئیردی هارداسان عباس یالقوزام
ای هاشمی جوانلاری بورداآدامسیزام
.
.
ابن زیاده اشعثین اوغلی وئروب خبر
گوندرقشون گرک دوتولاهامی رهگذر
شهراهلینه بوجنگیندن احساس اولوب خطر
بیزلشکریله هرطرفی دولدوراق گرک
بیزساده دوتمیاق ایشی حساس اولاق گرک
.
.
حکم ائتدی ابن اشعثه اول زاده ی زیاد
اول قدرلشکریم هانی ای منبع فساد
تک بیروجودی سن دوتاجاقسان بودورمراد
کیم گلدی اول غریبه کمک دوردی کوفه ده
بوقدرلشکریمی کیم ئولدوردی کوفه ده
.
.
قیتردی قهریلن اوزیاداوغلونون سوزون
دریای جهلیده دئدی سن غرق سن ئوزون
چیخ بیرکناره ایله نظرجنگه یوم گوزون
آزقالدی تک باشاپوزا اجلال کوفه نی
گوندرموسن منی دوتا بقّال کوفه نی؟
.
.
یازدیم سوزون دالین منی عفوایله یاعلی
قان اولدی قلبیم ای شرف اوصیاعلی
آگاه سن که کوفه ده وارچوخ بلا علی
قوی عرض ائدیم اوشیری نه فکرایله دوتدولار
جنگیله دوتمیوبدولا مکریله دوتدولار
.
.
بیرکوچه ده قازوب قویی حیلیلن اهل نار
سالدیلا،جنگی اوردان ائدوب ئوزلری فرار
آگه دگولدی مکردن اول شخص باوقار
گئتدی ایاقی دوشدی اوگوداله گولدولر
واضحد ی اهل کوفه مسلمان دگولدیلر
.
.
ای وای چکیلدی جار،قاچانلارقیتدیلر
بیرکیمسه سیزکسه ال آچانلارقیتدیلر
قول باغلی شخصه نیزه ساچانلارقیتدیلر
دیل یاره سی وئروب داش آتانلار قیتدیلر
ناحق یولوندا حقی ساتانلارقیتدیلر
.
.
وردیلاریاره ایلمه دی اصلاآه وزار
هرقدریاره دیسه دئدی منده صبروار
بیرماجراسالوبدی ولی قلبیمه شرار
من نامه یازمشام گله سلطان مشرقین
ای کاش بوشهرلعنتیه گلمیه حسین
.
.
#من_مسلمم_حسینه_نماینده_گلمیشم
#ترکی
.
✍️ #زبدةالاشعار ✍️
.
🆔: @nohe_torki
نظر دهید