سندن صورا دنیا گوزومه تنگدی قارداش #کوچ_کربلا_تائب_تبریزی

زبان حال حضرت زینب (س) در حال اسارت
.
.
مرحوم تائب تبریزی
.
.
سندن صورا دنیا گوزومه تنگدی قارداش
آئینۀ قلبیم هدف سنگدى قارداش
.
.
الدن گیدوب ائل بی کس و بی یار و ظهیرم
محنت زده مقهورۀ اشرار شریرم
باخماز که قولی باغلى بلادیده اسیرم
شمرین گنه قصدی منیلن جنگدی قارداش
.
.
صبر اوسته وارام صبریله هر قدر اولا مقدور
سودای وفائیله واریمدور سر پر شور
چول قورخولی دور دورو بریم دشمن مغرور
یول داشلیق اوزاق منزل ایاق لنگدی قارداش
.
.
چون طائر پر بسته اؤزوم قلبی یارالی
کاشانه نی گوزدن ایتیرن باشی بلالی
صید ایتماقا بیر طایر پر بسته و بالی
هر یاندان اتک لر دولوسی سنگدی قارداش
.
.
وار منده رضا یاغدیرا گر امر قضا تیر
دلشاد اولارام هرنه قدر دن گله تقدیر
یوخ شکوه سخا هر نقدر بوینومی زنجیر
عنقایه ولی طوق جفا ننگدی قارداش
.
.
بو گلشن عشقون ایله بیر حاله قالوبدور
گل یوزلیلرین رنگی سولوب هم سارالوبدور
بیر خردا قزون زمزمۀ شور سالوبدور
بو قافله ده مرغ شباهنگدی قارداش
.
.
الفت سوزوموز صحبت دیرینه ده قالدى
یار عکسی دوشوب دلده کی آئینه ده قالدى
مین لر دیمه لی درد یانان سینه ده قالدى
مالک یارالی سینیه آرنگدی قارداش (1)
.
.
ماتم زَدیه رسمدی هم ماتم اولالّار
قارداشی ئولن بیر باجیه همدم اولالّار
فریاد و نوائیله شریک غم اولالّار
تسکین ویرنیم لیک دف و چنگدی قارداش
.
.
آل اموی عترت طاهانی ورولّار
خ ردا بالانی مادر نالانی ورولّار
دانش یارادان ساجد دانانی ورولّار
بوقوم ایله بی دانش و فرهنگدی قارداش
.
.
شامه گیدورم شوریله شوریده سریم وار
بیر نالۀ شبگیریله آه سحریم وار
هشتاده یاخین اهل عزا همسفریم وار
ماتم زده لر منله هم آهنگدی قارداش
.
.
بیر قافلۀ عشقده سرخیل قطارم
ظاهرده اسیر ستم قوم شرارم
باطنده سنون عشقوه دلبسته شکارم
عاشقلر آرا کیم منه هم سنگدی قارداش
.
.
عشقونده اولان عشقیله دلده هوسیمدی
دل نالۀ جانکاهی منیم هم نفسیمدی
یول اوسته رُقیّه ن سسی بانگ جرسیمدی
بو قافلۀ عشقیم ایچون زنگدى قارداش
.
.
بیر قافله همره دی منه درد و بلالی
قارداشی ئولن اوغلی ئولن یاسلی عزالی
سرخیل قطارم من اؤزوم سینه یارالی
بیر بیرلریله قافله همرنگدی قارداش
.
.
تائب ره عشقونده سانار شهد شرنگی
بیر عمر وروب صدقیله دامانوزه چنگی
محشرده رضا اولما سیاهی دوتا رنگی
بیر خادم یک چهره دی یکرنگدی قارداش
.
.
تائب که وفاداردی پابند وَثاقدی
دنیاسی گچوبدی سیزه عقباده قوناقدی
کم مرحمت اولسان گر آقالیقدان اوزاقدی
هم نوکروزه روز جزا ننگدی قارداش
.
.
۱- آرنگ =درد و محنت
.
.
.
#کوچ_کربلا_تائب_تبریزی #ترکی #زبدةالاشعار #غارت_خیام_غارت_خیام_تائب_تبریزی