سیدی یابن الحسن گل باش آچوخ شورونوایه #مبکی_تبریزی

شهادت پیامبر (ص) ، امام حسن (ع) امام رضا (ع)

.
.
مرحوم محمد شیخ زادگان (مبکی تبریزی)
.
.
سیدی یابن الحسن گل باش آچوخ شورونوایه
ختم اولور جدون عزاسی شیعه آغلار مجتبایه
هم علی موسی الرضایه
.
.
هارداسان جدّون رضاده مجتبا تک اولدی مظلوم
یاندی ارکان وجودی دشمن دین ایتدی مسموم
پارچالاندی دل دوداقی گتدی قبره قلبی مغموم
گلمیونجه سن یتوشمز بو جفا لر انتهایه
.
.
ظلمیله گویا دوشوبدی بحریدن ماهی کناره
گه صاقا دوندی صولا گه دردینه اولمادی چاره
اولدی اکبادی او زهرین هیبتیدن پاره پاره
اوز اوزوندن اولدی مأیوس غم یتوب شمس هدایه
.
.
بیرغریبانه چکوب آه اشگی دولدوردی گوزونی
ال ایاق چالدی اولنده خاکسار ایتدی اوزونی
یاد ایدوب جدّی حسینی توپراقا قویدی یوزونی
بو غریب اولدی عزادار اول غریب کربلایه
.
.
لطفووی یا حجّت الله کامل ایله اهل دینه
سال یولون آغلارگوزویله قبرختم مرسلینه
دی بابا غربتده اوغلون جانویرورحق مبینه
یوخ یانوندا اهل بیتی آغلیوب گلسون نوایه
.
.
کون وامکان یاسه باتسا سنکیمی اولماز عزالی
یاسلی سان آرتوب اوغملی گویلوون دردو ملالی
سن بوگون صاحب عزاسن شیعه لرباشی قارالی
گل خراسانه او جالموش شورو شیون نه سمایه
.
.
#رضویه #حسنیه #پیامبراسلام #مبکی_تبریزی
#رضویه_شهادت #پیامبراسلام_شهادت #حسنیه_شهادت #رضویه_مبکی_تبریزی #حسنیه_مبکی_تبریزی #پیامبراسلام_مبکی_تبریزی
#سیدی_یابن_الحسن_گل_باش_آچوخ_شور_و_نوایه
#ترکی #زبدةالاشعار