سیراب اولون بو آب زلالیله صبح و شام #صحاف_تبریزی

مقدمه تشنگی آل الله و بسته شدن راه فرات راجع به شهادت حضرت علی اصغر(ع)
.
زبدة الاشعار

?: @nohe_torki
.
مرحوم صحاف تبریزی
.
سیراب اولون بو آب زلالیله صبح و شام
اما حسینی تشنه لب ئولدوردی اهل شام
.
لعنت ایدون یزیده ایا شیعة الحسین
ایچدوقجا بو سرین سولاری جمله خاص و عام
.
کرب و بلاده ویرمدیلر سو او سروره
آی حلالی نسل حرام ایلدی حرام
.
ایتمشدی مهر حضرت زهراسی اطهره
قانه دونن فراتی خداوند لاینام
.
بولمم او چولده باغلادیلار نه دلیل لن
پیغمبر اوغلونون یوزینه فرقه ظلام
.
عرش برینه اوج ایلدی بانگ العطش
اوچ گون تمام قالدی سوسوز عترت امام
.
تنگ اولدی عرصه حضرت زهرا عزیزینه
ئولدوردولر کمک لرینی تشنه لب تمام
.
بو سهلدور سو ویرمدیلر اهل بیتنه
سو اوسته تشنه یخلدیلا سقاسین اهل شام
.
گتدی قوشون مقابلنه شیر خواره سین
آلدی ال اُسته غنچۀ گل تک شه انام
.
ایتدی خطاب بیر باخون ای لشگر جفا
دوتموش نجه شراره عطشدن یانار بالام
.
ذرّیۀ رسولدی بو سود امر بالا
قالمور او قدری جان ویره ای لشگر لئام
.
لشگر باخاندا اصغره سس چکدی آغلادی
ضد یزیده آز قالوب ایتسون قوشون قیام
.
سعد اوغلی گوردی چوخ پوزولوب حالی لشگرون
تشویش ایدوب مباد هدر گیتسون اهتمام
.
ایتدی اشاره حرملۀ بی مروته
علت ندور دایانسان الدن گیدور مرام
.
ویردی بروزه حرمله فورا شقاوتین
الده حسینون اصغری اوخلاندی تشنه کام
.
قلب قلوب عالمی بو اوخ یارالادی
بر نوعله که حشره کیمی تاپماز التیام
.
#صحاف سال کمند حسینه اوزون دخیل
توک عارضه سرشکوی آغلا عَلَی الدَّوام
.

#فرات
#اصغریه_شهادت
#سیراب_اولون_بو_آب_زلالیله_صبح_و_شام
#صحاف_تبریزی
#ترکی
.
#زبدةالاشعار

?: @nohe_torki