زبانحال حضرت امام رضا (ع)
بیاتی لار
.
زبدة الاشعار
.
: @nohe_torki
.
مرحوم حاج صادق تائب تبریزی
.
سینمده وار درد نهانیم الله
گوزدن آخار اشک روانیم الله
غربتده وار کیمیم آلا دردیمی
یوخدی منیم بیر درد آلانیم الله
.
.
مسند نشین کشور رضایم
آدیم علیدی شهرتاً رضایم
بلایه دل وئروب بلا آلمیشام
دین اوسته هر بلا گلسه رضایم
.
.
بو رسمیدور یار ددرینی یار آلی
قلبینده هر درد و غمی وار آلی
هانی بیر یار آلا درد دلیمی
نیلیوم دوشموشم ائلدن آرالی
.
.
نه حالیمی بو غربتده وار بولَن
نه وار منی گورماقا کیمسه گلن
نه وار آلان بو درد غربتیمی
گوز یاشیمی نه وار گوزومدن سیلن
.
.
یاخونلاشوب دیریلیقدان ال اوزوم
آلان اولسا اؤورکده وار چوخ سوزوم
ائل آرالی وطن اوزاق غریبم
غریب ئوللم قالار وطنده گوزوم
.
.
اهل دل اولسا دردی دلدن آلار
دردی آلان اولسا غصّه آزالار
کیم دردینه یِتَر غریب ئوله نین
کیم آدامسیز قالانی یاده سالار
.
.
باجیم اگر صاق اولسِیدی گلردی
منیم غربتده دردیمی بولردی
نه دردیم وار اودلی دلدن آلاردی
رأفتیله گوز یاشیمی سیلردی
.
.
#تائب غریبلر اؤزینی ایتیرَر
غمی دله مین بارِ غم گتیرر
غربتده وار مریضون شمس الشُّموس
شفا وئرر وطنینه یتیرر
.
.
#سبک_امید_و_سقای_حرم_اباالفضل
پخش‌کننده صوت
.
#رضویه_شهادت
#اوخشاما
#سینمده_وار_درد_نهانیم_الله
#تائب_تبریزی
#ترکی
.
#زبدةالاشعار .
: @nohe_torki
نظر دهید