سینمون سویگولی جانانیم رقیه #حضرت_رقیه_متقی_تبریزی

شام غریبان حضرت رقیه(س)
زبانحال حضرت زینب الکبری(س)
.
.
#سبک … 3 سبک
.
متقی تبریزی
.
.
سینمون سویگولی جانانیم رقیه
دردیمون طبیبی درمانیم رقیه
باشیندا قراسی مزاره گئدنیم
غملریندن الیندن نالانیم رقیه
کر
دردیمه درمان رقیم لایلای
جان سنه قربان رقیم لایلای
.
.
.
دردیوی سوروشدوم گوزوندن یاش گلدی
سن بابا دیینده جوابه داش گلدی
خرابه ده یاتدون منی گوزدن اتدون
باباوی ایستدون طبقده باش گلدی
یاره لی جیران رقیم لایلای
سینه سی شان شان رقیم لایلای
.
.
.
سولدون نه تئز بالا غنچه گل مثالی
دور سس وئر سسیمه ائلیمون مارالی
گئجيله دفن اولدون قاره ايله كفن اولدون
زهرا كيمي گئتدون مزاره یارالی
ئولدون اللرده رقیم لایلای
آغلار اکبرده رقیم لایلای
.
.
.
یاره لی باش گوردون چخدی خسته جانون
یومدون بو جهاندان چشم پر گریانون
یاس دوتوبدی دائم اللی ائيلدی زینب
قویمارام خوار اولسون شام غریبانون
قالدیم اواره رقیم لایلای
ایاقی یاره رقیم لایلای
.
.
.
.
دویمادیم ای بالا شیرین صحبتوندن
ئوپمدوم دویونجک زیبا صورتوندن
زهرایه اوخشوردون گوزوندن یوزوندن
غمون ارتیق اولدی زهرا محنتوندن
دیرم صبح وشام رقیم لایلای
اغلارام اوخشارام رقیم لایلای
.
.
.
قمچیلر اوخشادوب جسمیوی چون یاسه
نعشون یرده قالوب یانارام احساسه
بیر کسیم یوخ گلسون زینبه یار اولسون
الیم چاتمور دیم قارداشیم عباسه
من تک . قارداشسیز رقیم لایلای
باباسی باشسیز رقیم لایلای
.
.
.
“متقی” دوشوبدی درده درمان گزور
دوت الیندن قیزیم سینه سوزان گزور
بیر کسی یوخ من تک ویلاندی رقیه
سنی اکبر جانی قیل نظر جان گزور
دردیمه درمان رقیم لایلای
جان سنه قربان رقیم لایلای
.
.
#حضرت_رقیه #متقی_تبریزی #حضرت_رقیه_شهادت #ترکی #زبدةالاشعار