شام ایچره شام گئچدی کیم آل عبا اوچون #خرابه_شام #عاجز_سرابی

خرابه شام
.
✍️ #زبدةالاشعار ✍️
.
🆔: @nohe_torki
.
مرحوم محمد خليفه عاجز گرمه رودی(عاجز سرابی)
.
شام ایچره شام گئچدی کیم آل عبا اوچون
بیر ایله شام کئچمه سین هیچ بینوا اوچون
.
اول تیره شامدان بتر اول شام شومدا
آچیلدی صبح زینب بخت قارا اوچون
.
منزل خرابه، خصم قوی، خسته، بی طبیب
زینب چکردی ناله، گزردی دوا اوچون
.
بیر یاندا اشک چشم رقیه فرات تک
جاری اولوردو تشنه لب کربلا اوچون
.
بیر یاندا هم سکینه دییردی فغانیلن
اکبر هانی کی غم یییَه من بینوا اوچون
.
بیر یاندا آه و ناله ی کلثوم بلندیدی
عباس جان نثارا طریق وفا اوچون
.
اول محنت ایچره شمر گلیب با طناب و چوب
بهر شکنج خاطر خیرالنّسا اوچون
.
باغلاندی قول قولا، دوزولوب گوهر ادب
بیر رشته ی جفایا سگ بیحیا اوچون
.
چون واقف حضور یزید اولدو اهل بیت
آرام و تاب قالمادی ارض و سما اوچون
.
نئتدی سکینه، نیلدی زینب چکنده تیغ
جلاّد سنگدل سر زین العبا اوچون
.
غیر از سرشک گورمه دی بیر التماس ائدن
گوز گزدیریردی هر طرفه آشنا اوچون
.
گلدی فغانا ایلدی فریاد کای یزید
بیر رحم قیل بو طفل یتیمه خدا اوچون
.
انصافا گل بو غربت آرا یوخدو غمگسار
غیر از بو طفل، عترت شیرخدا اوچون
.
شام و سحر فغانه گل عاجز سرشک توک
چک آه سوزناک بو صبح و مسا اوچون
.
سانما حقیر گوهر اشکی گوزوم تانی
قیمت دییلمییب بو دُر پربها اوچون
.
بو گوهر ثمین و گرانمایه درّ ناب
جاری اولوری تشنه لب کربلا اوچون
.
بیر یاندا نوعروس گییب جامه ی سیاه
افغان ائدردی قاسم نوکدخدا اوچون
.
.
.
.
#خرابه_شام #عاجز_سرابی
#شام_ایچره_شام_گئچدی_کیم_آل_عبا_اوچون
#ترکی
.
✍️ #زبدةالاشعار ✍️
.
🆔: @nohe_torki