قتلگاه
.
#زبدةالاشعار
.
: @nohe_torki
.
كريمی مراغه ای
.
شاه مدینه میدان ایچینده
یالقوز ویرور جان القان ایچینده
سسلندی حی لامکین لبّیک لبّیک
لبّیک حبیبی یا حسین لبّیک لبّیک
.
.
باخما فراته یا خیمه گاهه
یاندیرما کونی بو سوز آهه
باخ سلسبیله گل وعده گاهه
ای تشنۀ ماء معین لبّیک لبّیک
لبّیک حبیبی یا حسین لبّیک لبّیک
.
.
دلدن اوجاتما بو شور و شینی
ایتمه مکرر هل من معینی
انی رجائک عبدی اطعنی
یا من شفیع المذنبین لبّیک لبّیک
لبّیک حبیبی یا حسین لبّیک لبّیک
.
.
دشمن توکللر ظلمیله قانون
زهرا کسوبدی جان اوسته یانون
دلدن دوشوبسن یوخدی توانون
ای امته حبل المتین لبّیک لبّیک
لبّیک حبیبی یا حسین لبّیک لبّیک
.
.
باخما خیم ده آغلور عیالون
اهل حرمدن جمع ایت خیالون
قوی توپراق اوسته قانلی جمالون
سنسن بوگون قربان دین لبّیک لبّیک
لبّیک حبیبی یا حسین لبّیک لبّیک
.
.
یرلر سنوندی گویلر سنوندی
بو عرش و کرسی یکسرسنوندی
جنت سنوندی کوثر سنوندی
ای دایه سی روح الامین لبّیک لبّیک
لبّیک حبیبی یا حسین لبّیک لبّیک
.
.
آز ال ایاق چال آلقان ایچینده
قوی اهل بیتون عدوان ایچینده
گزلندی جسمون پیکان ایچینده
ایمدی گلر شمر لعین لبّیک لبّیک
لبّیک حبیبی یا حسین لبّیک لبّیک
.
.
چیخدی قوشوندان شمر ستمگر
بیر الده نیزه بیر الده خنجر
زینب ده الده بیر قاره معجر
سسلردی ای نور دو عین لبّیک لبّیک
لبّیک حبیبی یا حسین لبّیک لبّیک
.
.
یالوارما قارداش اهل جفایه
یوخدور پناهون گلمه نوایه
اکبر ئولوب من گلدیم هرایه
چوخ سسلمه هل من معین لبّیک لبّیک
لبّیک حبیبی یا حسین لبّیک لبّیک
.
.
چیخماز یادیمدان بو حال دلسوز
ئولدی جوانون قالدون اوغولسوز
سن جان ویرورسن میداندا یالقوز
من سسلورم زار وحزین لبّیک لبّیک
لبّیک حبیبی یا حسین لبّیک لبّیک
.
.
آغلار «کریمی» آل عبایه
جان اوسته شاهی سسلر هرایه
لطفین یتورسه شه انتهایه
سسلر امیر المومنین لبّیک لبّیک
لبّیک حبیبی یا حسین لبّیک لبّیک
.
.
#حسینیه_کریمی_مراغه_ای
#حسینیه_شهادت
#شاه_مدینه_میدان_ایچینده
#ترکی
.
#زبدةالاشعار
.
: @nohe_torki
نظر دهید