شرار ظلمه قلبیم یاندی یا رب #اصغریه_عاصی_تبریزی

زبانحال امام حسین (ع) در خصوص علی اصغر خطاب به خداوند
.
#زبدةالاشعار
.
: @nohe_torki
.
مرحوم عاصی تبریزی
.
شرار ظلمه قلبیم یاندی یا رب
بالام ناحق سوسوز اوخلاندی یا رب
.
.
ندور بو طفل معصومین گناهی
الیمده اوخلادی شامین سپاهی
بو مظلومیّتین چوخدور گواهی
خصوصاً اصغریم برهاندی یا رب
.
.
یری وار آهیم اود افلاکه سالسون
هانی بیر کس بالامی مندن آلسون
نه وقته دین الیم اوستونده قالسون
آنامی گوزلوری گریاندی یا رب
.
.
سنه معلومیدور حالیم سوزومدن
عبث خونابه دل آخمور گوزومدن
خیامه گئتماقا گلمور یوزومدن
اورک بو باره دن آلقاندی یا رب
.
.
بالامین پوزقون احوالین گورنلر
چکوب سس آغلادی حالین گورنلر
صولان گول تک رخ آلین گورنلر
هامی بولدی نئجه عطشاندی یا رب
.
.
حبیبیم هر بلایه ویرمیشم دل
حسین ایلوب بلا ملکونده منزل
نه قدری یتسه غم وار قوّت دل
بو محنتلر منه آساندی یا رب
.
.
او اکبر دور دوشوبدور قانه غلطان
او قاسمدور ویروبدور تشنه لب جان
او عباسیمدی گل تک یرده خندان
سو اوستونده سوسوز عطشاندی یا رب
.
.
الهی دوغرانوب یکسر سپاهیم
نه انصاریم قالوب نه بیر پناهیم
حرم آهیله دولموش خیمه گاهیم
سوسوزدان قیزلاریم سوزاندی یا رب
.
.
اگر چه چوخلی اندوه و غمیم وار
بونیله بئله قلب خرّمیم وار
اوزون آگاهسن نه عالمیم وار
بو حال اول ائتدیقیم پیماندی یا رب
.
.
یتوردیم عهدیمی من انتهایه
بو دشت عشقی دوندردیم منایه
اوزون باخ یرده یتمیش بیر فدایه
تماماً قانینه غلطاندی یا رب
.
.
الهی بو گل باغ رسالت
که اولدی تشنه قربان محبت
قانین من یولادیم ساخلا امانت
شفاعت بابینه عنواندی یا رب
.
.
گواهیم سن اوزون ای لامکانیم
که گلدن قالدی خالی گلستانیم
بو بیر غنچه گوله گلدی گمانیم
قبول ائت غنچۀ خنداندی یا رب
.
.
بویاندی قانه یکسر آل هاشم
قالور مندن ایکی ال بیر بو باشیم
نه خوشدور گورسم اولموش قان فراشیم
بو جسمیم زینت میداندی یا رب
.
.
اگر چه چوخدی «عاصینین» گناهی
اونون محشر گونی اولّام پناهی
منیم بو حالیمه عفو ائت الهی
بهشته او منه مهماندی یا رب
.
.
#اصغریه_عاصی_تبریزی
#اصغریه_شهادت
#شرار_ظلمه_قلبیم_یاندی_یا_رب
#ترکی
.
#زبدةالاشعار
.
: @nohe_torki