شهادته یتورنده حسینی شمر لعین #حسینیه_قمری

شهادت امام حسین (ع)

.
#زبدةالاشعار
.
: @nohe_torki
.
مرحوم قمری
.
شهادته یتورنده حسینی شمر لعین
دوتوب زمین و سماواتی داد و آه وانین
.
او ظالم خنجر برّانی دوتدی
صدای یا حسین دنیانی دوتدی
.
پیمبر گورجاقین شمر لعینی
یتیشدی حضرت زهرانی دوتدی
.
بویوردی فاطمه باخما او ظالم
الینده تیغ خون افشانی دوتدی
.
امیرالمومنین شمری گورنده
الیلن دیدۂ گریانی دوتدی
.
دیدی الله اوغول داغی چتیندور
فغانی عالم بالانی دوتدی
.
غلط دوشمز دیسم دوردومجی گویده
مصیبت دامن عیسانی دوتدی
.
او قانلو چولده قاندان سئللّر آخدی
سراسر قان دولان میدانی دوتدی
.
فضای نینوا دولدی نوادن
اوجالدی گنبد مینانی دوتدی
.
نه تنها کربلانی دوتدی ناله
هامی دنیا و ما فیهانی دوتدی
.
رقیه آغلادی قان خیمه لرده
یاپوشدی زینب کبرانی دوتدی
.
دیدی عمه بابامى ئولدوروللر
حسین وای عالم امکانی دوتدی
.
قاریشدی بیر بیره کلثوم و زینب
باش آلدی دامن صحرانی دوتدی
.
قورولدى خیمه لرده شور محشر
قیامت روز عاشورانی دوتدی
.
حرم آهولری بیردن ملشدی
حسین وای ناله سی دنیانی دوتدی
.
.
.
#حسینیه_قمری
#حسینیه_شهادت
#شهادته_یتورنده_حسینی_شمر_لعین
#او_ظالم_خنجر_برانی_دوتدی
#ترکی

.
#زبدةالاشعار
.
: @nohe_torki