شهر طوسه گل اوغول گور نه ماجرالیم #رضویه_خوندل_تبریزی

شهادت حضرت امام رضا (ع)
..
..
#سبک_مسلمون_شهادتی (5 سبک)
مشابه
..
..
مرحوم خوندل تبریزی
..
..
شهر طوسه گل اوغول گور نه ماجرالیم
قان ایدوبله باغریمی نی کیمی نوالیم
بیکسم بلالیم
غملی ابتلالیم
لبلریمده قان دوروب
قلبدن یارالیم
..
..
..
خلوت ایودی منزلیم یالقوزام اوزوم غریب
زهر کینه قویمیوب دلده طاقت و شکیب
نه قیزیم یانیمدا وار وار نه یار و نه حبیب
یوخدی بیر نفر بوله من نه ابتلالیم
..
..
ای قراری گوگلمون بیقراروم اوغول
ابر نوبهار تک اشگباروم اوغول
یولدا گوزلریم قالوب انتظاروم اوغول
گل بو صون نفسده گور مین غم آشنالیم
..
..
بیر زماندی حسرتم من سنون وصالیوه
چشم ناز مستیوه حسن خط خالیوه
گوزلریم ایشیقلانار دوشسه مه جمالیوه
من او ماه طلعته عاشق وفالیم
..
..
دشمنیم بو قصدیله ویردی زهر کین منه
من شهید اولام یته بو جهاندا ایمنه
بولمدی شهادتیم بیر بلادی دشمنه
ظاهراً اگر اونون مرغ بسته بالیم
..
..
دوزدی درد غربتین چوخ غم و ملالی وار
لیک بو بلاکشین چوخ شکسته حالی وار
ایل قبیله آیرسی گوزده اشگ آلی وار
محنت فراقیمون من شکسته حالیم
..
..
بیرتک ایودی بیرده من، یوخدی بیر گلوب گیدن
وار نه بیر شریک غم نه گوزوم یاشین سیلن
نه عیادته گلن وار نه حالیمی بولن
وارنه همدمیم اوغول بیکسم بلالیم
..
..
لرزه جانیمی دوتوب زهر ایدوب ز بس اثر
طاقتیم گیدوب بدن برگ بید تک اسر
رشتۀ حیاتیمی ایمدی زهر کین کسر
عمرومون گلی سولار گرچه چوخ صفالیم
..
..
واقف اولماق ایسته سن قلبیمون ملالینه
گل آیان یوزینده باخ سیل اشگ آلینه
خوشدی عمرومون گونی تیز یته زوالینه
دوزدی من امامتین چرخینون هلالیم
..
..
من مقدراتیدن ایتمرم اوغول گله
نقض عهد اولار اگر غصّه دن گلم دله
لیک یوخدی قیزلاریم گوزلریم یاشین سیله
ائللریله اهلیمون حسرت وصالیم
..
..
دردیله دولوب گوگل یوخدی بیر حبیب اوغول
حالیمه یانار منیم گورسه هر طبیب اوغول
یالقوز ایوده جان ویرم گر من غریب اوغول
کیم بولر که من نجه قلبدن یارالیم
..
..
..
#رضویه #خوندل_تبریزی #رضویه_شهادت #ترکی #زبدةالاشعار