استادِ درسِ غیرتِ دانشگه زهرا منم #زینبیه_محمدی_ولایی

مدح حضرت زینب سلام الله علیها
گریز به احوالات کوفه
.
✍️ #زبدةالاشعار ✍️
.
🆔: @nohe_torki
.
حاج رضا محمدی ( ولائی )
.
استادِ درسِ غیرتِ دانشگه زهرا منم
عشاقه پیغام آورِ منهاجِ عاشورا منم
.
.
هر کیمسه بیلمور زینبین شأنین قولاق وئرسین بیله
کربُبلانی ایلین عاشقلره مأوا منم
.
.
زین ابم دخت علی،زهرای اطهرزادیم
حریت ارثی منده وار،زهرا کیمی آزادیم
عشقیم یولوندا مین بلا گلسه اونا آمادیم
شیرزنی کی سویلمز آلامه هرگز لا منم
.
.
من بیر قیزام آلله دیوب شاه ولایه زینتم
منده حسین تک شیعیه هیهات مِنَّاالذِّلَّتَم
حیدرباخیش،صاحب لوا،عباس تک با غیرتم
صبر عالمینده قطره گر ایوب اولا ،دریا منم
.
.
مسلکده شاه لافتا نطقیمدی همچون ذوالفقار
اذنیم اگر اولسا منیم از جانب پروردگار
بیر خطبه ئیله ایلرم تخت یزیدی تار و مار
آری ائدن ظلم یزیدی عالمه افشا منم
.
.
کرب و بلادن درس آلوب شاماته ساللام ولوله
قانه بلنمیش بیرق عباسی من آللام اله
گوررم بیر ایش گرعالمه مینلر آدی زینب گله
اثبات اولا عالم بیله تک زینب کبرا منم
.
.
بیله دانیشدوم کوفه ده دشمنلریم احسن دئدی
گویدن ملائک نطقیمه مین مرحبا بیردن دئدی
معناده شیرحق علی،الحق کی زینبسن دئدی
بیر نطقیله یتمیش ایکی قانی ائدن احیا منم
.
.
کرب وبلادن غملی اطفاله پرستار اولموشام
هریارینی الدن وئرن بی یاره غمخوار اولموشام
اوغلی ئولن قلبی سینیق بی کسلره یار اولموشام
تسکین دِهِ قلب رباب و بینوا لیلا منم
.
.
نوک جداده قانلی باش آرامیمی الدن آلیر
صاق یوزده قانلی یاره سی، زهرا یوزون یاده سالیر
آلله نه غوغادور حسین یالقوز جماعت ال چالیر
کهف آیه سین سویلور حسین، احسن دئین تنها منم
.
.
#زینبیه_مدح
#کوفه
#استاد_درس_غیرت_دانشگه_زهرا_منم
#محمدی_ولایی
#ترکی
.
✍️ #زبدةالاشعار ✍️
.
🆔: @nohe_torki