چاووشانه دربدرقۀ حجاج بیت الله الحرام
.
.
مصیبی تبریزی
.
.
صبا گذاریوی سالسان بقیع کناریندن
همان بقیعیده سیرائت حسن مزاریندن
دئنن سوزیم سنه وار شیعه لر دیاریندن
بیرعده عاشق زهرا گلور بقیعه طرف
کریم سن ؛ کرم ایله به حق شاه نجف
.
.
.
بیریسی کربوبلانی گوروب تاپوبدی صفا
بیریسی دشت بقیعه گدوب آلوبدی شفا
بیری گوروب نه بقیعی نه کربلانی خدا
عریضه چوخ یازوری عرضینه باخان یوخدی
بقیعه مشتریدی گویلونی آلان یوخدی
.
.
.
کیمی یولا سالوری دردومحنتی جوشوری
گئجه سی صبحه کیمی اشک حسرتی داشوری
بو ایلده گئچدی خدایا اجل یاخونلاشوری
عریضه دنده یورولدوخ ئوزون عنایت ائله
صفالی جمعیمیزی بیربقیعه دعوت ائله
.
.
.
سُلالۀ نبوی دن اون ایکّی بدر دُجا
سپهر معرفتین پارلاق اولدوزی زهرا
پیمبرین گوزل آدی گلور دورون ایاقا
اونون کی نوری گلنده گئدر بوتون ظلَمات
دلیل خلق دو عالم محمده #صلوات
.
.
.
علی نین آدینی ذکرایله ماقدا وار حَسَنات
بو آدی ورد زبان ائتسن آرتیرار برکات
علیّ اَعلَمه حیّ علا وئروب درجات
گلنده نور علی محو اولار بوتون ظلمات
جمال انور سردار خیبره #صلوات
.
.
.
عزیزِ مریم او گون کی اولوب ولیّ زمان
باش اگدیلر اونا کلﱢ مقربین جهان
عزیز فاطمه گلسه جهان قالار حیران
عزیز مریم اَیَر باشینی همان لحظات
ندا وئرر؛ گلِ زهرایه گوندرون #صلوات
.
#زائر_کعبه #کعبه
#صبا_گذاریوی_سالسان_بقیع_کناریندن
#مصیبی_تبریزی
#ترکی
#زبدةالاشعار
نظر دهید