صبح اولوبلار شامه داخل او پریشان قافله #ورود_شام_مضطر_اردبیلی

ورود به شام
..
..
مرحوم مضطر اردبیلی
..
..
صبح اولوبلار شامه داخل او پریشان قافله
گون باتان وقتى یتوبلر بیر خرابه منزله
..
..
اول قدر یوخدور مسافت منزله دروازه دن
علت تأخیرینون لازمدی شرحی تازه دن
بسکه اعداد تماشاچی چیخوب اندازه دن
باغلانوب یول یوخدی گل گیت تنگ اولوبدور مرحله
..
..
اهل بیتون گلمگیندن اهل شام آگاه اولوب
شامیده دروازۀ ساعت تماشاگاه اولوب
کثرت اجماعدن شدّتله سدّ راه اولوب
نه گیدن یول تاپدی گیتسون نه گلن یول وار گله
..
..
هایهوی کثرت مردم پوزولموش انتظام
غرفه لر دولموش جماعتلن الى دیوار بام
قالدیلار دروازۀ ساعتده اوچ ساعت تمام
اهل بیت مصطفی مغلول قید و سلسله
..
..
گوردی اوضاعی خانم کلثوم اول علیا جناب
شمر ملعونه مخاطب قیلدی ای خانه خراب
عترت طاهایه بوندان آرتوق ایتمه سن عذاب
نه روا بو ازدحام ایچره دایانسون عائله
..
..
نیزه ده باشلاری دئ چکسونله بیر یولدان کنار
خلق باخسون باشلارا تا اهل بیت ایتسون گذار
ایتدی بو امره اطاعت ؟ یوخ او شمر نابکار
بلکه بیر اندازه هم امری سالوبدور مشکله بلکه
..
..
امر ایدوب قارداش باشیلان اولدی خواهر روبرو
ناقه ده باجی جدا اوسته برادر روبرو
محمل لیلائیلن هم اولدی اکبر روبرو
توش اولوبدور تازه دن گل بلبله بلبل گله
..
..
کربلا شاهی گوروب غمناکدور همسایه سین
سالدی باشینه اونون لطف و عنایت سایه سین
نیزه اوسته باشلادی ذکر ایتمگه کهف آیه سین
گه باخاردی زینبه گاهی شکسته محمله
..
..
بیر توجّه اولدی کافی دردی دریا زینبه
بیر نگاهی گوستروب راه شکیبا زینبه
سوندوروبدور قلب اودین ویردی تسلّی زینبه
بیر ایله موقعده ده ارحامینه ایتدی صله
..
..
کل دنیا غملرین زینب او ساعت سلب ایدوب
قلبنی کلمات دربار حسینه قلب ایدوب
باشیدن هوش و حواسین ایله قارداش جلب ایدوب
مین مصیبت اوندان آرتوق یوز ویره حاشا بله
..
..
ترکیدور شعریم ئوز اقراریمله من ناقابلم
نوحه مون میندن بیریجن افتخاریم وار بلم
ای محاسد مضطرم نه محتشم نه مقبلم
گر حسینون لطفی اولسا قونشی اولّام مقبله
..
..
..
#ورود_شام #مضطر_اردبیلی #ترکی #زبدةالاشعار