صبر ایدون ئولدورمیون ای فرقۀ عدوان منی #عباسیه_یحیوی_اردبیلی

شهادت حضرت ابوالفضل (ع)
..
..
مرحوم یحیوی اردبیلی
..
..
صبر ایدون ئولدورمیون ای فرقۀ عدوان منی
گلسون اؤز شاهیم قباقینده کسون قربان منی
..
..
تلّدن گورسم اَنور دیداره اول صاحب کرم
خنجر آلتیندا بوغازیم اینجیمز فخر ایلرم
مین کَره ئولسم دیریلسم زحمتینی بیلمرم
چون جمال اَنورین گورمک ایدر حیران منی
..
..
بیر گوروم رخسار شاهی تا نفس وار زنده ام
یوخدو قصدیم خیمه گاهه بسکه سرافکنده ام
آرزومندم بو حالیلن که من شرمنده ام
اوز قوجاقینده همیشه ساخلاسون میدان منی
..
..
پیش کش قولاریمی جانانیمه اوّل ویرون
لطف شاهی نوکرون حقّینده ای لشگرگورون
تا چراغ حیدر کرّاری اوندان سوندورون
درک ایده خاموش اولان وقته شه عطشان منی
..
..
شاهبازم پر آچوب اوخدان وجودیم سربسر
آرزومندم اولا بیر روبرو شمس و قمر
دل یاراسی وورمیون گوزلر منی بیر سودامر
ئولدورور ئولدورمیون دل یاره سی الآن منی
..
..
قان آخور فوّاره تک جسمیمده هر بیر یاره دن
چاره یوخ اولدوم خجالت اصغر مه پاره دن
گوز تیکوب راه فراته هی باخور گهواره دن
گوزلیور اوندان علاوه بیر بولوک نسوان منی
..
..
چون سویوم یوخدور الى بوش من خیامه گیتمرم
یاخشیدور شرمنده لوقدان بوردا قولسوز جان ویرم
ساخلیون ال تا حسین گلسون حسینی گوزلرم
تا اؤزی گورسون نه حالدا یخموسوز آتدان منی
..
..
اول شهنشاهه ویریم سالم بو قانلو پرچمی
پرچمینه ویرمیشم مسکن یارالی سینه می
سرنگون اولسا او شاه بیکسون آرتار غمی
حافظ پرچم منم سالم گوره سلطان منی
..
..
سو یولی گوزلر سکینه خیمه لرده الده جام
ئولمگیم خوشدور منیم جایز دگل سالم قالام
قولّاریم دوشدی علم یاتدى ارادَم ناتمام
جوشنیم دن آرتوق اؤرتوبدور سراپا قان منی
..
..
باخدوقیجا مشگیمه جاری اولور اشک تریم
صاحب غیرت اؤزوم دشمن قوى یوخ اللریم
شاهبازیدیم اگر چه من دوشوب شهپرلریم
ظلمیله مأیوس ایدوبسوز بو ایکی قولدان منی
..
..
یحیوی دور شهرتیم سینمده وار غم دفتری
یاده یا عبّاس او ساعت سال بو کلب کمتری
قابض الارواح گورسون اُول جمال انوری
ایلسون تا احتضاریمده خلاص آسان منی
..
..
#عباسیه #یحیوی_اردبیلی #عباسیه_شهادت #ترکی #زبدةالاشعار