در مصیبت حضرت زهرا (س)
..
..
مرحوم دخیل
..
..
چون ایدوب افلاک قدین بار غم خم آغلادی
اختر اشگ قِدمَتَه عینین پر نم آغلادی
..
گون کیمی محبوبینه هر گونده هر گون هر گجه
زلف شبرنگین توکوب رخساره دَرهَم آغلادی
..
حضرت صادق بویوردی آغلارام عالم تمام
بش نفر عالمده امّا عالم عالم آغلادی
..
اولاً باران غمله طینتی تخمیر اولوب
وصل حوّا جنّتینده چخدی آدم آغلادی
..
ثانیاً یوسف ویروب پیوسته کنعان ملکینی
ماه کنعان یوسفِ صدّیق اکرم آغلادی
ایلیوب یعقوب تک زندانی چون بیت الحزن
بیت الاحزان ایتدى یعقوب مُکَرَّم آغلادی
..
آغلیانلارین بشیمجی حضرت زهرائیدی
چون الیندن گیتدی بیر سردار اعلم آغلادی
..
قول سنق پهلو شکسته گوزلرینه دولدی دود
ظلم الیله اودلانوب چون باب أعظم آغلادی
..
گوردی قول باغلی یداللهی چکوللر بیعته
گوزلری دریا کیمی موج ایتدی پرنم آغلادی
..
آغلینده آغلیانلار جَرگه سینده نه سبب
اولمادی زینب و حال آنکه دمادم آغلادی
..
صادق آل محمد زینبی زهرا ایدوب
فرق یوخدور تا که زهرادن که بو کم آغلادی
..
بش نفردن صونرا کیملر آغلیوب زینب کیمی
پس ولی الله ماتم دوتدی ماتم آغلادی
..
کربلا اولدی منا اون یدّی قربانی کسوب
کعبه تک قاره گیندی مثل زمزم آغلادی
..
گوردی عاشورا گونی ظهر اولدى قاره یل اسوب
گون دوتولدی شب کیمی دهر اولدی مُظلَم آغلادی
..
گلدی چون سس زینبین قارداشینی ئولدوردولر
ایندی بو سسدن حرم آهوسی تک رم آغلادی
..
چون گوروب نعش حسین اوراق اولوب قرآن کیمی
کلک نیزه قانیله ایتمیش مترجم آغلادی
..
پیکرینده گوردی مین یوز اللى بیر یارا
یاره چوخدی ساخلاماز چون یوخدی مرهم آغلادی
..
یازَه نامه اوخ نشانی آیه آیه قرمزی
مرتضا حکمیله آیات منظّم آغلادی
..
مجلس نامحرمه گیردی حریم کبریا
گوردی یوخدور بیر نفر مجلسده محرم آغلادی
..
همنفس چون تاپمیوب ویردی مسیحا بیر نفس
سیّد سجّاد اونیله اولدی همدم آغلادی
..
چون ملوک هاشمی نون حقینی غصب ایتدیلر
گوزلرین جامی اولوب چون کاسۀ جم آغلادی
..
بیر قوری نی تک دخیله چون ویروب زینب نفس
رنگ رنگ اشگیله گاهی زیر و گه بم آغلادی
..
عیسی آل محمددن دم آل بیر ناله قیل
تا گوراخ قرخ ایل نجه اول عیسوی دم آغلادی
..
..
#فاطمیه #دخیل #فاطمیه_شهادت #ترکی #زبدةالاشعار
نظر دهید