ظهر وقتی دی یتیشدی کربلایه کاروان #ورود_کربلا_علی_شهودی

ورود به کربلا
.
.
علی شهودی
.
.
ظهر وقتی دی یئتیشدی کربلایه کاروان
کربلانین خاک پاکی تاپدی فیض جاودان
.
کربلا سویلر بئله گویا زبان حالیله
وار یئری گر فخرقیلسام نه سمایه بی گمان
.
من قارابیرتوپراقی سن روسفید ائتدین حسین
منده کی عز و جلاله مات اولوبدور آسمان
.
سن منی ائتدین قدوم پاکیویلن سرفراز
یوخسا حاشا من تاپام بوشان وشوکتده ن نشان
.
تاابدشکرایلسم اولماز بیری مینده ن ادا
عفو قیل شاها دیلیم عاجزدی قاصردیر بیان
.
شاه دین دستوروئردی تاقورولسون خیمه لر
اولسون آل هاشمین خورشید اجلالی عیان
.
خیمه لر نه خیمه لر قرص قمرتک تابناک
خیمه لر نه خیمه لر رشگ گلستان جنان
.
خیمه گاهی ائلییب روشن جمال انوری
بیر صفالی خیمه ده دوتموش علی اکبرمکان
.
خیمه ماه بنی هاشم آلیر دلده ن قرار
صف چکیبلر صورتین ائتسینله رویت عرشیان
.
من خیالین روزنینده ن خیمه لرده غرق سیر
خاطریمده اولدو ناگه محشرکبری عیان
.
بوستان هاشمی سولموش دونوبدورروزگار
عصرعاشورا یئتیبدیر خیمه لر اولموش تالان
.
زینبین آرام جانی قتلگهده یئردوتوب
غارت اولموش پیکری کامه یئتیبدیر ساربان
.
یوز قویوب کوه و بیابانه بنات هاشمی
وامحمدناله سی آفاقه وئرمگده تکان
.
بیر ملر آهو کیمی آتلار قاباقیندا قاچیر
آختاریر گویا آتاسین دختر شیرین زبان
.
یاندی اکبادیم «شهودی» قیل کلامه خاتمه
طرز گفتارین وورور اودجانه ای جادوبیان
.
.
.
#ورود_کربلا #علی_شهودی #ترکی #زبدةالاشعار