عالم نیه بس اولمادی ویران علی اکبر #اکبریه_راجی_تبریزی

شهادت حضرت علی اکبر علیه السلام
.
✍️ #زبدةالاشعار ✍️
.
🆔: @nohe_torki
.
مرحوم راجی تبریزی
.
عالم نیه بس اولمادی ویران علی اکبر
اول گون که سنی یخدیلا آتدان علی اکبر
.
.
بو شیعه لر ایکاش جهنمده یانیدی
زلفون نه که بیرجه تلی قانه بویانیدی
چرخون گوروم اول گونده بو دوری دایانیدی
دور و بریوی آلدیلار عدوان علی اکبر
.
.
بو عقده نی بو شیعه لرون حلّ ایده مشکل
ویرموب سوکسوب تشنه سنون باشوی قاتل
اولسون او سرین سو ایچن عاشقلره نسگل
ویردون سن او زخمیله سوسوز جان علی اکبر
.
.
لیلا گجه لر صبحه کیمی یاتمادی راحت
سن کیمی جوان بسلدی ای کان ملاحت
آخر نه روا دور قالا دیداروا حسرت
دشمن ایلیه قانوه غلطان علی اکبر
.
.
مشهور دور هر چند غم و مِحنت یوسف
کور ایلدی یعقوب گوزونی فرقت یوسف
امّا اونا بیر وقته یتوب حضرت یوسف
کی اولموشدی مصریده سلطان علی اکبر
.
.
تاپدی سنی بیر وقته او یعقوب مدینه
یخمیشدیلا رعنا قدوی روی زمینه
ایستردی کسه باشوی اول لشکر کینه
دوتموشدی سنون گوزلریوی قان علی اکبر
.
.
دولدوردی بابان گوزلرینی اشکله چون ابر
ممکن دگی بیرکیمسنه بو ظلمه ایده صبر
گوردی که کسور باشوی اول طایفۀ کَبر
صبر ایلدی بیر شاه شهیدان علی اکبر
.
.
///افراد///
.
دور ای جفائیله سرو قدی شکسته اوغول
هوا چوخ ایستیدی یاتما قوری یر اوسته اوغول
.
جفاوی چکدیم اوغول قامت رسا اولدون
قدیم بوکولدی الیمه عجب عصا اولدون
.
عجب منیم قوجا وقتیمده دادیمه یتون
که غربت اولکه ده یالقوز منی قویوب گیتدون
.
جهاندا هیچ آتا گورمیوب بیله اوغول اولومی
گوزومی سالدون ایشقدان خم ایلدون بیلمی
.
اوغول آتا قوجالان وقتیده اَلینی دوتار
شریک اولور غمینه غم گونی اولور غمحوار
.
.
///ادامه نوحه///
.
قربانی گورولموب کسه بیر کیمسنه عطشان
امّا سنه رحم ایتمدی بو لشکر عدوان
آخر سنی میداندا سوسوز کسدیله قربان
بو جانیمز اولسون سنه قربان علی اکبر
.
.
سینن دم شمشیریله پیکانه ویروبسن
جان و دلیله جانوی جانانه ویروبسن
باشون بو ره عشقیده مردانه ویروبسن
ای نور دو چشم شه مردان علی اکبر
.
.
اول گونکه چخوب خیمه دن افلاکه فغانلار
میداندا توکولدی یره ناحق یره قانلار
هاردیدی اوگون من سنه قربان بو جوانلار
مجموعی اولیدی سنه قربان علی اکبر
.
.
بیرزخم دل اولدی آناوا زخم جبینون
گویلونده قالوب حسرتی لیلای حزینون
سندنصورا کول باشنه دنیای دَنینون
سنسیز نجه دور ایتدی بو دوران علی اکبر
.
.
شمرین گوروم عالمده شدید اولسون عذابی
آیا نولی پیغمبره محشرده جوابی
اولگون که قورار عدلیله دیوان حسابی
ایتسون اوزی بو بارده دیوان علی اکبر
.
.
چاوش صدا چکدی چخوب قافلۀ غم
اولمادی بو ایل (راجینون) اوضاعی فراهم
قسمت اولا قبرونده دیه نوحه دمادم
حضّار اولالار چاک گریبان علی اکبر
.
.
.
#اکبریه_راجی_تبریزی
#اکبریه_شهادت
#عالم_نیه_بس_اولمادی_ویران_علی_اکبر
#ترکی
.
.
✍️ #زبدةالاشعار ✍️
.
🆔: @nohe_torki