عجب رأس شه عطشان جداده #کوفه_نجمی_تبریزی

ورود به کوفه
.
✍️ #زبدةالاشعار ✍️
.
🆔: @nohe_torki
.
مرحوم نجمی تبریزی
.
.
عجب رأس شه عطشان جداده
ایدوب اؤز عشقینی اعلان جداده
.
گوروب جمله بلای کربلانی
گیدوبدور کوفیه مهمان جداده
.
ویروب قربانلارین عشقیله بیر بیر
اولاندا شهره داخل سان جداده
.
یارالی باشیله پیغمبر اوغلی
اوخوردی آیۀ قرآن جداده
.
هدایت چرخینه شمس امامت
دولاندی گون کیمی حیران جداده
.
خراب ای کاش اولیدی شهر کوفه
خسوف ایتدی مه تابان جداده
.
دوباره درّ شهوار اوسته قاندان
دوزولدی شدّۀ مرجان جداده
.
دوتوبدور پرده پرده قان جمالین
اولوب بی نور نور افشان جداده
.
باجیسی زینبین آرامین آلدی
اولاندا قانینه غلطان جداده
.
نه قدری وار بلا گلدی او باشه
غم اوستن غم یتوب هر آن جداده
.
دیمه بیر ذره اوز عهدینده قویدی
یارالی باشیله نقصان جداده
.
گهی مسکن ایدوب کنج تنوری
گه اولدی قانیله الوان جداده
.
گهی اسدی آغاجدان اهل کوفه
گهی یر ویردیلر دونان جداده
.
گهی بازار شامی شام اولونجا
گزوب حیران و سرردان جداده
.
دیار شامده چوخ غم یتیشدی
ایدوبدور ناله و افغان جداده
.
خرابه شامین اوضاعین گورنده
سر سلطان مظلومان جداده
.
توکوب رخسارینه قان یاش گوزوندن
پوزولدی حجت رحمان جداده
.
دوباره مطلعی یاز آغلا نجمی
عجب راس شه عطشان جداده
.
.
#کوفه_نجمی_تبریزی
#عجب_راس_شه_عطشان_جداده
#ترکی
.
✍️ #زبدةالاشعار ✍️
.
🆔: @nohe_torki
.