علینون قلبی قان اولموشدی ایستردی ئولوم حقدن #حیدریه_عینی_فرد

ضربت خوردن حضرت امیرالمومنین علیه السلام
گریز به قتلگاه
.
#زبدةالاشعار
.
: @nohe_torki
.
حاج غلامرضا عینی فرد زنجانی
.
علینون قلبی قان اولموشدی ایستردی ئولوم حقدن
بونی فزت و رب الکعبه دن ای آشنا گوردوم
.
سحر گه کوفه شهرینده قلجلاندی علی باشی
دئدی من رستگار اولدوم یازوب اهل ولا گوردوم
.
علی باشی قلجلاندی عدالت پایه سی سندی
چکوب روح الامین فریاد ائدوب بیله ندا گوردوم
.
یخلدی کائناتین لنگری محرابه قان آخدی
باشین آلدی دیزی اوسته امام مجتبی گوردوم
.
خانم زینب ائوینده سسلنور الله بابام ئولدی
ابوالفضل و حسین ایلور بو محنتده بکا گوردوم
.
گلیمه چولقادی انصار علینی منزله گتدی
دِیَر اوَّل گوزون آچدی یول اوسته مقتدا گوردوم
.
حزین صوتیله سسلندی منی آزاد ایدون یرده
ائویمه ئوز ایاقیمله گئدوم چون که روا گورذوم
.
دئدیلر قان وئرور یاره باشیزدان سخت اولار گئتمک
بویوردی چاره یوخ بو زحمته دلدن رضا گوردوم
.
آقا علت ندور عرض ایلیوبلر شاه والایه
بویوردی زینبه خاطر روا سخت اولسادا گوردوم
.
قاپی دالندا دورموش زینبیم یول گوزلوری قورخار
دیمه سون ایندیدن حیدر باشندا من یارا گوردوم
.
علی جان راضی اولمورسان باشندا بیر یارا گورسون
ولی راوی دیور بو زینبون ای پادشا گوردوم
.
حسینون یاره لی جسمون تاپوب عریان چوخور یرده
اوجادان سسلدی جدّی رسولی بینوا گوردوم
.
دئدی بابا حسینون باخ دوشوب توپراقلارا باشسیز
نه باش وار پیکرونده وای نه ده اللر بابا گوردوم
.
باسوبدور باغرینا باشسیز یارالی پیکری ئوپدی
سوکولموش سینه سیندن ، سسلنوب یاندوم خدا گوردوم
.
بِنَقسی انت «عینی فرد»سسلور ای شهید حق
مزارون ئولمدیم ای شه خدایه شکر اولا گوردوم
.
علیّ اکبره خاطر هامونی دعوت ائت گلسون
او ششگوشه مزاری آیری بیر حال و هوا گوردوم
.
.
#حیدریه_عینی_فرد
#حیدریه_شهادت
#علینون_قلبی_قان_اولموشدی_ایستردی_ئولوم_حقدن
#ترکی
.
#زبدةالاشعار
.
: @nohe_torki