علی باشون دالینجا شامه بو لیلا گیدر گیتمز #راه_شام_مجید_امینی

زبانحال حضرت لیلا به رأس مطهر حضرت علی اکبر (ع)
..
..
..
..
مرحوم حاج مجید امینی تبریزی
..
..
..
..
علی باشون دالینجا شامه بو لیلا گیدر گیتمز
اسیر عشقه گر چوللر اولا ماوا گیدر گیتمز
..
..
..
..
چکم مشکلدور ال بیرده بو دامان وصالوندان
منیم تک باخسا هر کیمسه گیچنمز خطّ و خالوندان
الیم یتمور جدایه پاک ایدم قانی جمالوندان
گورم نسگل شراری سینه دن آیا گیدر گیتمز
..
..
..
..
بو یولّاردا گوتورموبدی گوزین هرگز آنان سندن
اگر من ایتمورم ناله، دوگولّر اینجیمه مندن
خیال ایتمه اولوب مدهوش آنان فریاد و شیوندن
گل عطرین آلسا هوشه مرغ خوش آوا گیدر گیتمز
..
..
..
..
علی باشوندی بو مصباح تک بیله فروزاندور
و یا که بدر کاملدور جهانه پرتو افشاندور
باشون نوریله عرش و فرش و صحرا نور باراندور
سنون نورون گوره مِهر جهان آرا گیدر گیتمز
..
..
..
..
گوزومده تنگ اولوب عالم، سنون هجرونده دلگیرم
یارالی صید تک ظاهرده من صیّاده نخجیرم
اسیر عشقیوم امّا نه من پایند زنجیرم
ره عشقی علی عشّاقِ ره پیما گیدر گیتمز
..
..
..
..
بو شام اهلی گلوبدور دسته دسته باشیوا دیده
گورنده عارضون هرکیم ایدر اقرار توحیده
دیه لّر آیدی یا گوندی دوشه لّر شکّ و تردیده
بو اعجازی گورن شامه برهنه پا گیدر گیتمز
..
..
..
..
آناندور آشنادور سانما سن بیگانه لیلانی
ایدوب مجنون کیمی عشقون سنون دیوانه لیلانی
کمندی تار زلفوندور، چکر هر یانه لیلانی
آنان عشقینده شامی ایتماقا سُکنی گیدر گیتمز
..
..
..
..
گورن باشون جدا اوسته ایدر نقّاشیوه تحسین
دیر قطعاً عذارونده چکوب پیغمبرین عکسین
نظیرین مانی عالم بو نقشین چوخ چتین چکسین
بو نقشه باخسا فکره مانی دنیا گیدر گیتمز
..
..
..
..
جداده صورتون نوری ویرر ضوء و ضیا هوره
همان بو نوریدی موسی گورنده محو اولوب نوره
دگول بیجا دونوب هر یر سراسر وادی طوره
بو نوره باخسا لیلا هوشه چون موسی گیدر گیتمز
..
..
..
..
تصوّر ایلمزدیم تیز گل عمرون خزان اولسون
شکسته بال بلبل تک ایشیم دائم فغان اولسون
گوروم آل امیّه من کیمی خانه خراب اولسون
بیرینه بو دعا گر ایلساخ ایما گیدر گیتمز
..
..
..
..
#امینی اوزلری ایتدی توجّه سن گنهکاره
یاپوش دامان اکبردن صله ایسته بو اشعاره
بهشتی ایستیسن آیا؟ اوزیوی سال بو درباره
بهشته بو حسین کیمدن رضا اولسا گیدر گیتمز
..
..
..
..
#کوچ_کربلا #اکبریه_شهادت
#کوفه #راه_شام
#علی_باشون_دالینجا_شامه_بو_لیلا_گیدر_گیتمز
#مجید_امینی
#ترکی
#زبدةالاشعار