مدح امیرالمومنین علیه السلام
.
.
.
علی پور آقا ( علیوی )
.
.
.
علی شیر خدادور سینه سی سینادن افضلدی
اونون بیر تار گیسوسی بوتون دنیادن افضلدی
.
مبارک پیکرین چکدی نجف آغوشینه جان تک
که حیدر دفن اولان یر طارم اعلادن افضلدی
.
مقدس مرقدی اوسته چکوبلر بیر گوزل گنبد
او گنبد تا جهان وار گنبد مینادن افضلدی
.
ئوزی اوغلانلاری باشدور ملکلردن جلالتده
محجب قزلاری همسرلری حورادن افضلدی
.
حسینیلن حسن فخر ایلیر ابراهیمه نوحه
قزی کلثوم و زینب،مریم و سارادن افضلدی
.
علی ساقی محفلدی میستان ولایتده
او بیر میخانه دور که مسجدالاقصادن افضلدی
.
گوزین دهره آچان ساعت آچیلدی کعبه دیواری
که یعنی ای مسیحی لر علی عیسادن افضلدی
.
علی حجت اولان گون روز بعثتلن برابردی
شب میلاد حضرت لیله الاسرادن افضلدی
.
الیننن ئوپدی پیغمبر زمان فتح خیبرده
دئدی بو اللره قربان ید بیضادن افضلدی
.
برائت سوره سین ائتدی قرائت دشمنان ایچره
یهودی بیلسه معناسین دیر موسادن افضلدی
.
او دور دریای حکمت مابقی علملر قطره
گئنه راوی دیور هر قطره سی دریادن افضلدی
.
او شاهی من قیاس ایلوم کیمیلن فانی دنیاده
که دوزگون شیعه سی یعقوبیلن یحیادن افضلدی
.
علی بیر کیمیادور قطره نی دریا ائدر زاهد
که کرکس خاک پایین ئوپسه گر عنقادن افضلدی
.
بو شعره (علیوی)جنت دئمه سن کربلا ایسته
بوگون نقد اولسا اجرون نسیه فردادن افضلدی
.
#حیدریه_مدح #غدیریه
#علی_شیر_خدادور_سینه_سی_سینادن_افضلدی
#علیوی
#ترکی
#زبدةالاشعار
نظر دهید