وصیت حضرت زهرا سلام الله علیها
خطاب به حضرت علی علیه السلام
..
..
#سبک_خداحافظ_ای_آنام_باجی … #سبک_شیرین_سوزوم_آیدین_اولدوزوم … #سبک_عم_اوغلی_چوخ_گل_سارالار
..
..
مرحوم تائب تبریزی
..
..
عم اوغلی گل ترک ائدورم حسرتیله دنیانی
تلاوت ایله لطفیله باشیم اوسته قرآنی
بو جان وئرن وقتده آل باشمی دیزون اوسته
جان وئروم من خسته
..
..
..
منیم نئجه گل کیمی باخ گور سولان یوزوم واردی
بهار ابری تک دولان بیر دولی گوزوم واردی
بو غصه لی سینه ده چوخ غصه لی سوزوم واردی
ائدوم بیان دلده اولان محنت فراوانی
..
..
دولار بهارده بولود گوزلریم کیمی دولماز
سولار گلستان ده گل بو یوزوم کیمی سولماز
خزان اولار باغ و چمن من کیمی خزان اولماز
خزانه یتدی ظلمیله عمریمون گلستانی
..
..
بتوله گل لطفوی بشر صورت کمال ایله
بو سینه دن رفع غم و محنت و ملال ایله
یتوبدی جان دوداقیمه حقّیوى حلال ایله
گذشت قیل اولسا اگر خدمتیمده نقصانی
..
..
اوگون که اهل کین منه ظلمیله یارا ووردی
یارالی اودلی سینه می درد و غصه دولدوردی
گل بهشتیدیم منی باد ظلم سولدوردی
گلیمه گلچین اجل آچدی دست تالانی
..
..
عم اوغلی قرآن سسیوه فاطمه اولا قربان
نه خوش دوشَر ایلیه سن بیر تلاوت قرآن
آلا او قرآن سسیوی جان وئره بتول آسان
دیلون فداسی گل اوخی باشیم اوسته قرآنی
..
..
جهاندا گلزار غم و درده باغبان اولدوم
بوکولدی سرو قامتیم قامتی کمان اولدوم
سارالدى سولدی گللریم منده باغریقان اولدوم
گوزومدن آخدى عارضه دم به دم جگر قانی
..
..
..
اگر دورا واردی یری دهر شور و شینیمدن
علاقه می چون اوزورَم هر دو نور عینیمدن
حَسَندن آیریلانمورام خاصّه بو حسینیمدن
اولاردیلار فاطمه نین جسمده اولان جانی
..
..
او باغبانم که چکوب حدّسیز ریاضت من
بو گل لری بسله میشم وئرموشم طراوت من
بو گون سنه تاپشورورام بیر به بیر امانت من
گوز اوسته ساخلا بو ایکی گل جمال زیبانی
..
..
دوزنمرم بالالاریم رنگی گل کیمی سولسا
مزارده من آغلارام گوزلری اگر دولسا
بو خاطریم درده گلر گر اولار ملول اولسا
جان ای عم اوغلی جان سنون جان بالالاریم جانی
..
..
بلای کربلاسی وار بو حسینیمون بوللم
اونون سراغینه دوشوب کربلایه من گللم
تاپوب یارالی گوزونون قانینی اؤزوم سیللم
ئوزونده گل او دشتده تاپ او تشنه قربانی
..
..
حسین دوشن یرده گلوب ناظر بلا اولّام
قوروب او یرده بزم غم صاحب عزا اولّام
قزیم دینده وا حسین منده همصدا اولّام
محبّتیم وار اونا تک قویمارام او نالانی
..
..
بو سوزی «تائبا» سنه یازدیروبدی «رضواندوست»
بهشت اهلیدور یقین هر کس اولسا وجداندوست
بهشت ایسته سز اولون سیزده دین و قرآندوست
خدا سیزه ایتسون عطا گلستان رضوانی
..
..
..
#فاطمیه #تائب_تبریزی #فاطمیه_شهادت #ترکی #زبدةالاشعار
نظر دهید