اربعین
.
✍️ #زبدةالاشعار ✍️
.
🆔: @nohe_torki
.
نوید آسال اردبیلی
.
منجی دین خدا محیی قرآن زینب
مخزن جودوکرم منبع احسان زینب
.
عصمت و عفت وایثارووفا اسوه سیدی
فاطمه نایبه سی افسرنسوان زینب
.
شرف ملک ولا زینت گلزار حیا
آسمان ادبه ماه درخشان زینب
.
بو علینون قیزیدی سانما کیچیک منصبینی
بیر اشاریلن ایدر دوزخی رضوان زینب
.
هر یره قویدی قدم ناشر افکار حسین
ویردی همتلن اورا پرچم ایمان زینب
.
بو سوزی ذکر ایلیر دمبدم ایران اهلی
سنه مدیونیدی بو ملت ایران زینب
.
برهوته قویاسان بیر یول اگر مقدمووی
خاک پایون ایلیر دشتی گلستان زینب
.
نیلیوبسن بو جهان ایچره ایا ام بلا
سنه تعظیم ایلیور سائل و سلطان زینب
.
آیریلان وقتیده سندن مه تابان ولا
دیدی بی واهمه حقی ایله اعلان زینب
.
قویما بو نهضت کبری دوشه اغیار الینه
وار دهانونده سنون خنجر بران زینب
.
بو قرا معجری کی سالموسان الان باشووا
کاخ ظلمی ایده جک بوقره ویران زینب
.
قارداشین سوزلرینه ایتدی عمل کان حیا
معجرین ویرمدی غارتگره گریان زینب
.
گر مقاتل ده گلوب معجرینی دشمن آلوب
اولونوب لشکرآرا زلفی پریشان زینب
.
معجرین ساخلامیان دینی نجه حفظ ایلیر
نجه بی معجراولوب دینه نگهبان زینب
.
تلینی توکدی یوزه صورتی گورسنمیه تا
گورر آیا بو ایشی هانسی مسلمان؟زینب؟
.
بونجابتده دیدی فاطمه نون مظهریم
پس اولوب زلفی آچیق مظهر جانان زینب
.
بوغلط سوزدی کی ایتدی یوزونه زلفی نقاب
ایلمز بیر توکونی خلقه نمایان زینب
.
اربعینون گونی گلدی گینه صحرای غمه
حامی خون حسین مام یتیمان زینب
.
اورگین قویدی حسین قبرینه دینجلدی بیراز
دیدی تک بوردا تاپار دردینه درمان زینب
.
دیدی دور قارداش حسین باخ بوکولن قامتیمه
گورنه احواله قالوب ای شه خوبان زینب
.
ولی دورسوندا حسینجان تانیمازسان باجووی
قرخ گونی یکسر ایدوب ناله و افغان زینب
.
گویون اولدوزلاری تک سایسیز اولوبدور محنیم
بو قدر درده دوزر تکجه بیر انسان ،زینب
.
قبروون زینتی گر یوخدی پریشان اولما
اشک چشمیله دوزر قبرووه مرجان زینب
.
قانه کی باتدون حسین کرب وبلا دشتینده
قانووی آلسون ایدوب همت شایان زینب
.
دوزدی سولموشدی حیا گللری عاشور گونی
داغیلان گلشنه ویردی سر و سامان زینب
.
باغلادی شال شرافتله شجاعت بلینه
آیریلان وقتیده سندن بو نواخوان زینب
.
یوزی گوداله طرف ترک ایله دی قتلگهی
دال چوورمز بلی قارداشینه بیرآن زینب
.
کوفیه وارد اولان وقته اسیران نگران
درک ایدوب کوفی لری شادو خرامان زینب
.
خلق جاهل دیدیلر خارجی دور بو اسرا
صبر حقدن اوزونه ایسته دی نالان زینب
.
ناگهان میر جنان نیزه ده قرآن اوخودی
دیدی قرآن اوخیان لبلره قربان زینب
.
ویردی بیر جاهل عرب داش شه محشر باشینا
دوزمدی بو غمه سرچشمه ایمان زینب
.
محمله ویردی باشین عشقیله دلبند علی
دیدی معناده خانم فاطمه جان جان زینب
.
.
رگ غیرتده گلوب جوشه شرافت قانی
خطبه ایراد ایلیوب مات ایله دی دنیانی
.
.
دیدی ای قوم دنی من شرف پنج تنم
فاطمه نایبیم اخت حسین و حسنم
.
دوزدی بیر عورت جامه سیهم غرق محن
قورخودان یوخدی وجودیمده اثر شیرزنم
.
اذنیم اولسیدی اگر آلماقا خنجر الیمه
اوندا ثابت ایلیردیم نجه شمشیرزنم
.
تیغیدن تیز ولی تیغ بیانیم واردی
حق مظلومی یین ظالمی خوار ایلینم
.
دوزدی کی یوم بلا یکسره انصاریم ئولوب
دوزدی قدیم بوکولوب غرق ملال و محنم
.
گلمیشم کوفه ده ایمان علمین نصب ایلیم
شهدا قانینی عالم بویی احیا ایدنم
.
حق سوزه مشتری یوخ اولمیاجاق حشره کیمین
دوغراسوزدا منی ای قوم ظلم حق دیینم
.
الغرض کوفه ویرانی حسین فتح ایله دوک
شامه قول باغلی اخا محملون اوسته گیدنم
.
قمچی لر شامه کیمین یول یول ایدوب پیکریمی
بوقدر دردو غمی عشق یولوندا چکنم
.
قمچی زجر دییردی بو سوزی معناده
کوفه دن شامه کیمین زینب الیندن اوپنم
.
راه شامین دیمورم غملرینی چون سنده
بیلورم یوخدی توان ای شه گلگون کفنم
.
شامه القصه چاتوبدور اسرا قافله سی
بیلمیوردیله کی من زینت شاه زمنم
.
گوندوزی شامیلره همتیلن شام ایله دیم
بیلدیلر نطقیده من فاتح هر انجمنم
.
وارد اولدوق طلقا مجلسینه بی پروا
دیدی هند اوغلی جفا دفترینه سرسخنم
.
تا اشیتدیم کی حسین قانه باتوب فخر ایله دیم
راه باطل ده بیلون باذل سیم و ثمنم
.
خیزرانین اودنی آلدی شل اولموش الینه
اندیروب لبلرووه معجرینی آچدی ننم
.
ناگهان دوردوم ایاقه دیدیم ای پست و دنی
ویرما اول قانلی باشی من اونیلان هم وطنم
.
کوفه اوضاعینین آیا سنه چاتمیش خبری
کوفه نی فتح ایلین زینب ائشیتسون او منم
.
ذره خوف ایلمرم لشکر خونخواروندن
فاطمه همتینی شهر نبی ده گورنم
.
سووشا مین ایل اگر سولماز حسینون چمنی
گوزیاشیملان چمن معرفته سو ویرنم
.
یوخدی عقلونده دوام درک ایده سن منصبیمی
مکتب عشقیده مریم لره درس اورگدنم
.
طلقا زاده منم فاطمه مظهر زینب
مکرووی ماخلقه همتیلن بیلدیرنم
.
سنه تعظیم ایلیور بت کیمی گر ملت شام
سن بت اولسون من علینون قیزیام بت شکنم
.
سوزلریم گلدی گران حاکم جباره حسین
دیدی حد ستمی عالمه من گورسدنم
.
ویردی مسکن بیزه بیر مسجد ویرانی یزید
سنه خاطر او خرابه یری مسکن ایدنم
.
.
.آه او وقتدن کی گلوب منزلیمه قانلی باشون
دیدی بیر قیز بابا ،جان باشووه قربان ویرنم
.
اوپدی قانلی لبووی یومدی قرا گوزلرینی
او ئولنده باشینا خاک خرابه سپنم
.
بالاجا پیکرینی قبره اوزوم قویدوم اوگون
اوز الیمنن بالامون اوستونه تپراق توکنم
.
سن ئولنده سورا بیر دفعه حسین گولممیشم
او گولن وقته ولی ناقه لره اوسته گولنم
.
شام ویرانی رقیه وطن ایتدی اوزونه
او قیزی ترک ایلیوب کرب و بلایه گلنم
.
بیر دعا ایله حسین منده ئولوم راحت اولوم
سن گیدوبسن ولی من دهریده ویلان گزنم
.
.
زینبون داشینی عالمده آتوبسان قارداش
قویوب آواره منی حقه چاتوبسان قارداش
.
فوج آلام و بلا قارداش اگوبدی بلیمی
سرمیشم قبروون اوسته بو آغارمیش تلیمی
.
بیر گون عرضینده منیم یدی جوان یاریم ئولوب
نهرین اوستونده شرافتلی علمداریم ئولوب
.
سارالان گلشنه بیر یولدا صفا ویر قارداش
بو یورولمیش باجووا بیرده صدا ویر قارداش
.
زهریلی بیر سه پر اوخ کاسه صبری جالادی
اصغر تشنه لبین گول بوغازین پارچالادی
.
رسمیدور حرمت ایدر صاحب خانه قوناقا
قاسمی با خبر ایت گلدی عروسی اطاقا
.
ای (نوید)شکر ایله سن خالق دنیایه بوگون
سنی نوکرایلیوب حضرت زهرایه بوگون
.
.
.
.
#اربعین_آسال_اردبیلی
#منجی_دین_خدا_محیی_قرآن_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید