عیان اولوبدی عزا هلالی گنه قان آغلار فضا حسینه #ورود_محرم_شهاب_تبریزی

ورود به ماه محرم
.
زبدة الاشعار

?: @nohe_torki
.
مرحوم شهاب
.
عیان اولوبدی عزا هلالی
گنه قان آغلار فضا حسینه
آچوبدی باشین آناسی زهرا
قوروبدی بزمِ عزا حسینه
.
.
.
دولوب غمیله تمام عالم
غم اوسته باران کیمی یاغار غم
نظام انجم اولوبدی برهم
دوتوبدی یاس ماسوا حسینه

.
اولوبدی عرش خدای اکبر
حسینه بزم عزا سراسر
گَلوب فغانه بو آی مَلَک لر
ایده لّه یکسر بُکا حسینه

.
ووروبلار عرشه عزا لواسی
دوتوب جهانی حسین صداسی
یقین که درده گَلوب آناسی
ایدر بهشده نوا حسینه

.
حسینه عصرین امامی آغلار
همیشه هر صبح و شامی آغلار
حسینه یر گوی تمامی آغلار
یانار رسول خدا حسینه

.
بو آی حسینی گروه عدوان
کَسوبله الله یولوندا قربان
کَسَلّه هانسی فدانی عطشان؟
اولا بو جانلار فدا حسینه

.
کَسوب فراتین سویونی اعدا
قالوبدی تشنه بناتِ زهرا
ایچوب فراتی هامی گوارا
سو ویرمیوب اشقیا حسینه

.
سوسوز جگرله شه مدینه
آتین دالیندان دوشوب زمینه
آلوب آرایه گروه کینه
ووروبلا سانسیز یارا حسینه

.
یارالاریندان آخاردی قانی
آخاردی قانی گیدردی جانی
کیم اولدی بس جان ویرن زمانی
یانندا بیر آغلیا حسینه

.
چخوب خیمدن باجی کناره
سالوبدی میدانه بیر نظاره
گوروب که هردم وورالّا یاره
او چولده قومِ دغا حسینه

.
نه قَدری واردور اَلونده فرصت
«شهاب» حسینه چوخ ایله خدمت
آناسی زهرا ایدر شِفاعت
جهاندا هر کیم یانا حسینه

.
#سبک_آچیلدی_پرچم ( 10 سبک )

.

#ورود_محرم
#عیان_اولوبدی_عزا_هلالی
#شهاب_تبریزی
#ترکی
.
#زبدةالاشعار

?: @nohe_torki