گلیب مزاریوه بیر غملی کاروان یارالی #اربعین_مهدی_عابدینی

اربعین
.
✍️ زبدة الاشعار ✍️
.
🆔: @nohe_torki
.
مهدی عابدینی
.
گلیب مزاریوه بیر غملی کاروان یارالی
بیر عده قلبی یانان، خسته، نیمه جان یارالی
.
سینیبدی قلبیم اخا وار نیازیم اللریوه
دوباره ویر باجیوا طاقت و توان یارالی
.
یادوندا قویمازیدوق فاصله دوشه آرییا
ائده منیله سنی غملره نشان یارالی
.
یادوندا طوی گونی سندن ائلِیکی آیریلدیم
نجه او آیریلیقا باغریم اولدی قان یارالی
.
باشیمنان اولدی پراکنده کربلاده ائلیم
بهارعمروم اولوب ظلمیله خزان یارالی
.
باشون منیله واریدی گوروب بو قیرخ گونده
اولوبدی بیزلره نه ظلم بیکران یارالی
.
دئیوم نَلر باشیماگلدی، قوی هله قالسین
ویروب بلالی باجون عالی امتحان یارالی
.
یادیمدا ترک ایلین وقته کربلا چولونی
دوروب دالیمجا منیم ویرمَدون اذان یارالی
.
یارالاروندان ئوپم اولمادی منه ممکن
نچونکی دشمن او گون وئرمدی امان یارالی
.
گزیب تاپانمادی زینب کسیلمیش اللریوی
اولوبدی داشلارین آلتیندا چون نهان یارالی
.
خلاصه چوخدی سوزوم زینبی دانیشدیر حسین
سوروش اولوبدی ندن قامتیم کمان یارالی
.
سنی دانیشدیریرام بس ندن سسون گلمور
وارون گلایه منه ایلورم گمان یارالی
.
باجووا حقلیسن الان جواب ویرمییَسَن
ساچیب بوغازیوه نامردیلر سنان یارالی
.
کسیلمیش حنجریوون نیزه باغلامیشدی یولون
دوتوبدی اود ئورگیم، گوردوگوم زمان یارالی
.
حسین کمک لیگ ایله شام و کوفه محنتینی
سنون حضوریوه بیر بیر ائدیم بیان یارالی
.
ولی سوروشما قزوندان دئمه رقیّه هانی
نجه دیوم هانی اول یار دلستان یارالی
.
اوقدری نازلی قیزون توش اولوب مصیباته
سنون فراقون اونون قلبین ائتدی قان یارالی
.
دوزنمیوبدی آخبدور ستاره ی عمری
اولوب خرابه شیرین دیل قیزا مکان یارالی
.
.
.
#اربعین
#گلیب_مزاریوه_بیر_غملی_کاروان_یارالی
#مهدی_عابدینی
#ترکی
.
✍️ #زبدةالاشعار ✍️
.
🆔: @nohe_torki