وداع حضرت علی اکبر (ع)
.
#زبدةالاشعار
.
: @nohe_torki
.
مرحوم زایر
.
غریب آناسین اوشیرین مقال ایدوب آرام
گلوب عقابه طرف ایلدی رکابنه رام
.
ایان رکابه قویوب مظهر رسول الله
باخوب اوغول آناسی قلبدن چکوب بیرآه
.
دیدی الهی الیمدن جوان بالام گیدیری
عزیز جان کیمی بیر مهربان بالام گیدیری
.
آلوب اجازۀ میدان غریب آتاسندان
ایدوم نه چاره من ناتوان بالام گیدیری
.
آتاسی راضی اوزی راضی، راضیم منده
ولی گوزوم یاشی ویرمز امان بالام گیدیری
.
اوزی سوسوزدی سویوخدی سوسوز یولا سالورام
منی بو نسگل ایدر باغریقان بالام گیدیری
.
آلوردوم عطرینی بوندان، پیمبرین یا رب
شباهتینده پیمبر نشان بالام گیدیری
.
گیدنلری سو کنارینده ئولدورولّه سوسوز
بو چولده ویرمگه لب تشنه جان بالام گیدیری
.
گون ایسّی اوزی یالقوز، سوسوز، بوقدر قوشون
بونون بو حالینه یوخ بیر یانان بالام گیدیری
.
بویاندا عمّه لر آغلار سیزلداشور باجیلار
اویاندا طبل چالور کوفیان بالام گیدیری
.
گوگل رضادی ولی آیرولانمورام بیردن
اولوب محبتی دلده نهان بالام گیدیری
.
گلور ز بسکه آنالیق محبتی جوشه
قرار و صبری آلور جانیدَن بالام گیدیری
.
بونوجوانی سلامت گورنمرم بیرده
ئولوم آتین مینوب ایمدی میان بالام گیدیری
.
آلوبدی شوق شهادت قرار و آرامین
دیر آنا غم هجره دایان بالام گیدیری
.
ویرور تسلّی من زاره اولمیوم نگران
نجه تسلّی تاپوم بو زمان بالام گیدیری
.
حسینه «زایرم» اکبر آناسینون دلیجه
اولوب بوسوز منه ورد زبان بالام گیدیری
.
.
.
.
.
#اکبریه_زائر_تبریزی
#غریب_آناسین_او_شیرین_مقال_ایدوب_آرام
#دیدی_الهی_الیمدن_جوان_بالام_گیدیری
#ترکی #اکبریه_شهادت
.
#زبدةالاشعار
.
: @nohe_torki
نظر دهید