زبانحال حضرت زینب (س) در سوگ مادر
.
✍️ زبدة الاشعار ✍️
.
🆔: @nohe_torki
.
مرحوم #ذهنی_تبریزی
.
غم هجرونده عجب اودلارا یاندیم آناجان
اشکِ تر دامنه توکمکدن اوساندیم آناجان
.
.
هانی بیر اهل دل آگاه اولا درد دلیمه
من کیمی اود دوتوب آهیمله یانا نیسگیلیمه
آنا وای ناله سی وِرد اولدی او قدری دیلیمه
آناسیز قالماقیمی آخر ایناندیم آناجان
.
.
ایلرم عالمِ مُحنتده من هر قدری خیال
بلکه بیر چاره تاپا رفع اولا اندوه و مَلال
گورورَم دردیمه درمان اولا عالم ده مُحال
دردیمین چاره سی ئولمکده دی قاندیم آناجان
.
.
حیف من تک ئولومه مایل اولان ئولمَزیمیش
آناسیزلیق نه یامان دور ائشیدن بولمزیمیش
آناسیز قیزلارین عالم ده یوزی گولمزیمیش
باخیب اؤز حالیمه بو نکته نی آندیم آناجان
.
.
قان اولان دلده که هر لحضه سَنی یاد ائدرم
اود دوتار قلبیم اودورر ناله چکوب داد ائدرم
گلم افغانه آچوب باشیمی فریاد ائدرم
او قدر سس چکوب آخرده دایاندیم آناجان
.
.
دفتر غمده باخوب عالمیمی سیر ایدرم
اولونوب زینب آدی نقطه تک هر یرده رقم
قویدی پرگار تک حیرتده منی نقطۀ غم
خط سیریمده نقدری که دولاندیم آناجان
.
.
بس که سر منطق اولوب دلده آدون هر سوزومه
دانشوب صحبته گلَّم سنیله اؤز اؤزومه
نه بلادور باشیما گلدی کول اولدی گوزومه
سن تک ایستکلی آنادان آرالاندیم آناجان
.
.
دل بو حسرتله دونوب قانه گلور جوشه آنا
بلکه بیر مَرقَد پاکون باسیم آغوشه آنا
گئتدیم هر بیر گئجه بو فکریله من هوشه آنا
نه یوخوم گلدی نه هوشیمدن اویاندیم آناجان
.
.
خورد و خواب اولدی حرام ایلدیم از بسکه فغان
سن سیز آغلار گوزومه تیره و تار اولدی جهان
سرو قدّیم بوکولوب اولدی اوشاقلیقدا کمان
باخیب اوز نفسیمه نفسیمدن اوتاندیم آناجان
.
.
کیمدی من تک آنا محنت کش اولا عالم آرا
سارالیب گول یوزی خونِ دلیله اَحمَر اولا
آغاروب زلفی اولا عمری گونی بختی قرا
خُم مُحنتده عجب رنگه بویاندیم آناجان
.
.
«ذهنی» یاز زینب ایدوب بو دلیله شیون آنا
شعلۀ آتش هجرانیده یاندیم من آنا
چکیلوب سینه مه مین داغ فراقوندان آنا
داغ هجریله اؤرکدن یارالاندیم آناجان
.
.
.
.
#سبک_کربلا_منتظر_ماست
#سبک_یارالی_جان_یارالی
#سبک_شهریاریمسن_آقا
و …
.
.
.
#فاطمیه_شهادت
#غم_هجرونده_عجب_اودلارا_یاندیم_آناجان
#ترکی
.
✍️ #زبدةالاشعار ✍️
.
🆔: @nohe_torki
نظر دهید