غیبدن تا امام سجاده #معروف_اهری

دفن شهدا
.
زبدة الاشعار

?: @nohe_torki
.
عباسی معروفان اهری
.

غیبدن تا امام سجاده
کنز عرفان او فخر عباده
.
گلدی فرمان حضرت سبحان
عهد و پیمانه اولسون آماده
.
نینوا دشتینه یولون سالسون
فرصت حقی وئرمسون باده
.
دفن ائده پیکر شهیدانی
حاضر اولسون او قانلی صحراده
.
گوش جانیله آلدی حق حکمون
بیر سفر باشلیوبدی معناده
.
اولدی راهی دیلینده یا زهرا
پشت سر کوفه روبرو جاده
.
چاتدی حضرت منای عشاقه
سیره مه چخدی طور سیناده
.
صاق صولا باخدی سینه سی یاندی
گؤردی ایل و تبارین افتاده
.
کشتی عترت رسول الله
غرق اولوبدور حصار دریاده
.
سینه بیقراردن اوچدی
مرغ روحی گلوبدی فریاده
.
سسلدی یا علی و یا الله
قویمون تک منی بو ماواده
.
اوندا گؤردی بیر عده نی حاضر
حاجی تک کعبه معلاده
.
قتلگاهین گزولله اطرافین
دل پریشان اسفلی اثناده
.
سسلدی من حسینه دلبندم
کیمسوز ای مردمان آزاده
.
عرض ایدوبلر قبیله اسدوک
قصدیمیز خیردور بو سوداده
.
محض جلب رضایت خالق
گلمیشوق کفن و دفن اجساده
.
هر کسون نعشینون معماسی
حل اولار چون صفای سیماده
.
بو بدنلر و لیک بی سردی
تنگه دوشدوق فراخ دنیاده
.
امر ایدوب ای قبیله نون اهلی
قالمیون چوخ رموز اسماده
.
سیز کمک ایلیون منه یاران
کشف اسما منه گلر ساده
.
تا قبیله امام دورانه
یار اولوب امر حقه اجراده
.
گزدی اول آتاسینی تاپدی
اولدی محزون ملال مولاده
.
گؤزیاشی توکدی سسلدی بابا
نیلیوم من بو درد عظماده
.
ایستورم جسموی کفن ایلییم
یوخدور اما کفن مصلاده
.
لا اقل پاره بیر حصیر اولسا
قالمارام من بو قدری ایذاده
.
الغرض بیر حصیر اولوب حاضر
آغلادی بو محنده زهراده
.
اولدی بیر قبر ظاهر اول دمده
شاهی قویسون مزاره شهزاده
.
قویدی قبره دیدی بابام لایلای
یوخدی تسکین بو قلب ناشاده
.
اصغری قویدی سینه سی اوسته
راحت اولسون حریم باباده
.
اکبرین تاپدی جسم صد چاکین
قان واریدی دو چشم شهلاده
.
قالدی حیران نه نوعی دفن ائتسون
دلبر جان ستانی دلداده
.
خسته یاری قویوب ایاق طرفه
دفن اولوبدی او شبه طاهاده
.
قارداشین دردینه یانوب قارداش
ساغر چشمینه دولوب باده
.
.
.

دفن ائدوب تا وفالی قارداشین
قبرینون اوسته توکدی گوزیاشون
.
.
.

قلبینی غملره نشان ایلدی
سسلدی وا علی فغان ایلدی
.
چون که فرصت کمیدی مولایه
آیری محنتلرین نهان ایلدی
.
دوتدی یوز قوم پاک احساسه
اخرین سوزلرین بیان ایلدی
.
ایستیوردی ادا اولا تکلیف
عرض حالین بئله عیان ایلدی
.
واردور آیا جنازه ای دیگر؟
بو سؤالی همان زمان ایلدی
.
وئردیلر پاسخ ای امام همام
دللری بیر جنازه قان ایلدی
.
بیر یارالی فراتین اوستونده
اهل معنانی باغریقان ایلدی
.
پرپر اولموش وجود و اعضاسی
عمروموز گلشنون خزان ایلدی
.
اللری یوخ بدنده باش یاره
قامتین گؤز اوجا گمان ایلدی
.
بو نشانلار امامی آغلاتدی
گوزدن اشکین یوزه روان ایلدی
.
دوردی علقم کنارینه گلدی
یاد عباس قهرمان ایلدی
.
دوشدی گوز صحنه غم افزایه
طاقتین آلدی ناتوان ایلدی
.
گؤردی قولسوز دوشوب یئره سقا
اللرین رو به آسمان ایلدی
.
سسلدی ای خدا جزاسین وئر
کیم علمداری خسته جان ایلدی
.
کیم بوکوبدور بابام حسین قدین
عمه مین قامتین کمان ایلدی
.
آغلادی بس عموسی عباسه
جمع حضاری نوحه خوان ایلدی
.
بیر کیچیک قبر ایدیبلر آماده
بو غمی غملی داستان ایلدی
.
قولسوز عباسی تا قویوب قبره
قلبینی محنته مکان ایلدی
.
سسلدی ای یاراسی چوخ عمو وای
سوز باشون وای و الامان ایلدی
.
یوز دوتوبدور قبیله اسده
لطف و خدمتدن امتنان ایلدی
.
قویدی یوز کوفه بد احواله
حق نه امر ایلدی همان ایلدی
.
شعر (معروفه) کیم بها ویرسه
حرمت شاعر جوان ایلدی
.

#دفن_شهدا
#غیبدن_تا_امام_سجاده
#معروف_اهری
#ترکی
.
#زبدةالاشعار

?: @nohe_torki