نمایان شدن نور حضرت زهرا (س) در فردوس اعلا
گفتگوی حضرت آدم با جبرئیل امین
و مصیبت ام الائمه (س)
.
#زبدةالاشعار
.
: @nohe_torki
.
مرحوم معزی اردبیلی
.
فاطمه ام الائمه فاطمه والا تبار
دختر پاک رسول حضرت پروردگار
.
فاطمه هم عاقله هم فاضله هم کامله
زوجۀ مولا علیّ المرتضی عصمت شعار
.
فاطمه هم خاشعه هم رافعه هم شافعه
صانع بی مثلینه بی مثل صنع آشکار
.
فاطمه معنای کوثر فاطمه معنای نور
فاطمه کرب و بلا زهراسینه آموزگار
.
فاطمه باطنده حوری ظاهره انسیه دور
افتخار ایلر بتول گلعذاره هشت و چار
.
نور زهرادن صورا خلقتده آدم خلق اولوب
خوان اجلالینده حوّالر اولوبدور ریزه خوار
.
بوالبشر حوّا ایلن سیر ایلینده جنّتی
حضرت آدم دیدی حوّایه ای زیبا عذار
.
هیچ کیمی بیزدن گوزل خلق ایتمیوب خلّاقیمز
ساحت پروردگاره شکر قیلّام صدهزار
.
جبرئیله وحی گلدی تئز مقام قدسیدن
آدم و حوّانی سن فردوس اعلایه آپار
.
خط سیر منطق آدمده وار خبط و خطا
گورمیرب حُسن عالمی صاحب کمال نامدار
.
گیتدیلر روح الامینیلن همان زیبا یره
باغ فردوسی گوزل خلق ایلمیشدی کردگار
.
گوردولر تخت بهشتی اوسته بیر قیز اگلشوب
نوریدن بوینوندا گردنبند باشدا تاجی وار
.
گوشینه بیر جفت گوشواره وروبدور نوریدن
صورتاً پرنور اولور نوریندن حور بی شمار
.
چشم حورا نقشیده تخته زبرجد نصب اولوب
قصر مرواریدینه معماری ایلر افتخار
.
چتر ایدوبدور باشینون اوسته ملکلر شهپرین
اولمیوب اولماز بله محبوبۀ ذوالاقتدار
.
صاق طرفده نخل خرما صولدا اشجار انار
آب کوثردن ایچور سو محضرینده لاله زار
.
یوز دوتوب روح الامینه حضرت آدم دیدی
کیمدی بو نورانی دختر قیل بیان ای پیک یار
.
معنی گوشوار و گردنبند و تاج آیا ندور؟
گورمه میشدیم من بله باغ جناندا با وقار
.
بس نیه گوشواره لر انواری سرخ و سبزیدور
اولمشام من ویردیگون زیبا جوابه انتظار
.
جبرئیل گفتاره گلدی آدمه یا بوالبشر
نور زهرادور بو دخترکی گورورسن آشکار
.
فخرایله اوغلانلاروندان اشرف مخلوق اولور
آدی احمد ختم پیغمبر امین و رستگار
.
یر یونده موج ایدر آینده ده دریای نور
روی زهرا گورسنر خورشیدی ایلر شرمسار
.
تاجی باشینده عبارتدور رسول اللهیدن
رمزیدور بیر شخصه گردنبندیده أی هوشیار
.
شوهر ارزنده دور زهرایه اوصافینده دور
«لا فتى الا علی لا سیف الا ذوالفقار»
.
نوریدن گوشواره لر کی آسلانوب شرحین ویروم
مجتبی ایلن حسیندور بو ایکی خوش گوشوار
.
جبرئیلدن ایلدی آدم دوباره بیر سئوال
خلق اولوب مندن قاباق آیا بو نور چشمه دار؟
.
دورت مین ایل سندن قاباقدان پیک پاک حق دیدی
نور زهرا علم خلّاقینده اولمیش استتار
.
.
.
یر یوزونده عصمته اون سگیز ایل مرآت اولار
لمعۀ انوار حقدور جدّۀ سادات اولار
.
.
.
آخ گوروم اولسون همیشه قاره دنیانون یوزی
گُلمسون بیر ثانیه بد فطرت انسانون یوزی
.
مطلع الانواری خاموش ایلدی ظلمات الى
ابر قویماز گورسنه ماه درخشانون یوزی
.
لا نُورِّث غاصب باغ فدک اظهار ایدوب
دوشدی رونقدن چمنزار و گلستانون یوزی
.
پیکر خیرالنّساده خون ایله ایتدی خروش
موج ایدر بیردن نجه طوفاندا دریانون یوزی
.
من دیدی آلّام مسلّم حقّیمی کفّاریدن
آلدى، تا غمدن قوتارسون أول مُعزّانون یوزی
.
آه یابن العسکری ئوز حقّی اوستونده نیه
بنزه دی گوؤ یاپراقا صدّیقه زهرانون یوزی
.
صورت زهرایه دشمن سیلی وردی کوچه ده
یاندی ضربیندن خانم امّ ابیهانون یوزی
.
سیلی زهرایه دگنده ایوده زینب دیسکینوب
غفلتاً پژمرده لندی ماه سیمانون یوزی
.
خصم یخدی ناطق قرآن عیالین تپراقا
غصّه لی اولدی یوز اون دورد سوره قرآنون یوزی
.
ایسته دی یردن خانم قالخا ولى قالخانمادی
بیلدی احوالین پوزولدی شاه مردانون یوزی
.
قلبی دنیادن سنان گوشواره دن بدتر سنوب
قهر یلی دونمشدی چون زهرایه دورائون یوزی
.
یل اسوب اطرافینه سپدی قباله پاره سین
قلبی دولدی سولدی گل تک فخر نسوانون یوزی
.
سسلدی گل یا رسول الله دویولدوم دشمنه
اولدی حالیمدن پریشان اهل رضوانون یوزی
.
یثربون شهرینده گوزدن دوشموشم سندن صورا
بیرگونی شاد اولمادی من دیده گریانون یوزی
.
ایندیده سینمده مسمارین یریندن قان گلر
گور نه اندازه حیاسیز اولدی اعدانون یوزی
.
مهبط وحیون الوؤ دوتدی در و دیوارینی
آستانونده قویولموشدی سلیمانون یوزی
.
سیلی دن الله اوزاق ایتسون بابا قیزلاریمی
سیلیه طاقت گتورمز چونکه طفلانون یوزی
.
صورتیم نیلی قبالم پاره گوشوارم سنق
منزله گلمز کی گیتسون من پریشانون یوزی
.
عرض اولوندی فاطمه سالمیشدی بیر جفت گوشوار
نوریدن تابانیدی فردوس اعلانون یوزی
.
اوّلین گوشواریه جُعده سو ویردی زهردن
سبز رنگ اولدى طلای ناب طاهانون پوزی
.
دوّمین گوشواره سی اما سو گوردی قانیدن
ووردولار داش سندی تا لعل بداخشانون یوزی
.
دوشدی شهر کوفیه بیر تکّه سی گوشواره نون
کول لر اوسته قالدی درّ گنج ایمانون یوزی
.
فاطمه جنّاتیدن مطبخ سرایه سالدى یول
قویمیوب کول گورسنه شمع فروزانون یوزی
.
سسلنوب زهرا ایوون ویران أولا ای میزبان
کولنن الواندور ائوینده خسته مهمانون یوزی
.
اللرون سنسون قوناقه احترام اولماز مگر
زینتیدی سینمه بیر گون بو قربانون یوزی
.
قلب بی مهرون یارالی باشه داشدان برکیمیش
گور نجه اولمش شکسته شاه عطشانون یوزی
.
عالی کالانون الونده بیلمیوبسن قدرینی
بی مروت تئز سولار کول اوسته کالانون یوزی
.
کربلاده قیزلاری یانمش چادردا آغلیور
زعفرانه بنذیور گوردوم یتیمانون یوزی
.
دامه سالمیشدی گوزل آهولری صیادیلر
نیلی اولموشدی یوزوم تک خوردا جیرانون یوزی
.
.
قانلی باشی کوللرون اوستن گوتوردی جان دیدی
آچ گوزون دیدارووه گلدیم ننون قربان دیدی
.
.
.
#فاطمیه_معزی_اردبیلی
#فاطمیه_شهادت #فاطمیه_مدح
#فاطمه_ام_الائمه_فاطمه_والا_تبار
#ترکی
.
#زبدةالاشعار
.
: @nohe_torki
نظر دهید