حالات وداع حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم حاج مختار نخستین اردبیلی
.
علی قربانون اولوم آغلاما زهرا گؤزه لی
گؤز یاشون لکّه سالار گول یوزه لیلا گؤزه لی
.
.
قاره قاشون بو یانان قلبیمی شمشیره چکوب
یا کماندور مژه دن داغلی دیلی تیره چکوب
رشتۀ عشقیدی زلفون منی زنجیره چکوب
آپارور ساتماقا بازاره بو سودا گؤزه لی
.
.
دوش قباقیمده منیم من گلوم آردونجا سنون
نه گؤزه ل جلوه وئروب صورتیوه آغ کفنون
کربلا مصر اولا یعقوبه گله پیرهنون
یا که بیر قانلو عباده گله طاها گؤزه لی
.
.
بد نظردن علی چوخ قورخورام ای ماه لقا
گؤز دگه گؤزلرووه ای منه ایستکلی بالا
نعشوون اوسته گله لیلى یوز اوسته یخیلا
آنوون باشینه کوللر توکه دنیا گؤزه لی
.
.
بیر دیَن اولمادی تلّ اوسته ذلیخایه گَله
یوسفی لیلیه بیر لحظه تماشایه گَله
یوسفه آغلامیا گؤزلرینه سایه گله
دوتمیا یوسف آدین بیرده ذلیخا گؤزه لی
.
.
بیر دایان قتلگهه گئتمه بو سرعتله على
باخ دالی سمته قدی خم بابون آردونجا گلی
بالا اللهه گؤره گؤزله بو زیبا عملی
ساخلادی گئتدیگی یولدان او تمنا گؤزه لی
.
.
دئدی سن گلمه دالیمجان، بابا ای سبط رسول
آیریلیق وقتیدی ایله بو گؤزه ل عرضی قبول
بوینی چیگنینده منه باخما بئله اولما ملول
قلبووه لکّه دوشر آغلاما زهرا گؤزه لی
.
.
آنامی عمّه می قیتر باباجان خیمه لره
گئتمه بو حالتیلن قدّی کمان خیمه لره
خوش دگول سن گئده سن اشک روان خیمه لره
مست عشقم بابا من ساغر صهبا گؤزه لی
.
.
عشق دور عاشقى ئوز عشقنه پر شور ائلین
آغلاماقدان او قرا گؤزلرینی کور ائلین
حسن یوسفدی ذلیخالری مشهور ائلین
یوسفی گتدی تماشاسینه لیلا گؤزه لی
.
.
نولا مینابه گله حضرت موسی دانیشا
ربیّ ارنی دیه تا که ائشیده لا دانشیا
یا که دار اوسته چخا حضرت عیسی دانیشا
قالا حیرتده حسین طورینه، سینا گؤزه لی
.
.
انبیالرده تماشایه گله مینایه
باخا رقّتله او قانه بویانان صحرایه
دیه لر یوسف زهرادی گلوب سینایه
بو حسین اوغلیدی اولماز بئله ترسا گؤزه لی
.
.
هاجر اسماعیلینون سرمه چکیبدور گؤزونه
گوردیکی صبر و تحمّل وئره بیلمور ئوزونه
بَزَه دی لا دیه بیلمزدی خلیلون سؤزونه
گؤزلرین یومدی دیدی گئت ره معنا گؤزه لی
.
.
لیلی ئوز فدیه سینه گؤردی نه لازمدی بزه ک
هاشمی خالی فرا گؤزلری آهو گؤزی تک
حاش لِله اولا بوحسنیده گوگلرده ملک
بئله اولماز دئدیلر، عرش معلّا گؤزه لی
.
.
اوخوسا صبح زمانی على کیم قرآنی
او بیلر آیۀ والشّمسیله والضّحانی
گورسه یوسف سنی ترک ایلیه جک کنعانی
دییه جک اکبریمیش فتح مبینا گؤزه لی
.
.
احسن احسن او قد و قامته، احسن احسن
او قرا گوزلره، مه طلعته احسن احسن
مژه لر سایه سالان صورته، احسن احسن
خلق ائدوب خلق إئلین سن کیمی زیبا گوزه لی
.
.
کج نگاهیله باخوب آیریلوسان لیلادن
من باخوب دویمامیشام سرو قد رعنادن
بیر باخیش باخماقووا أل چکرم دنیادن
دوغاجاق هانسی آناسن کیمی آیا گوزه لی
.
.
قویما مژگان اوخون بیرده کمان اوستونده
خوش دگول قانلو مژه قان توکه قان اوستونده
آتما اوخ لیلیه بیچاره دی جان اوستونده
اوخلامازهئج اوخ آتان سن کیمی رعنا گؤزه لی
.
.
نولور أول زلف سیه دن منه بیر مو وئره سن
تار مویونله یانان قلبیمه نیرو وئره سن
دیمه امّا عطشم سنده منه سو وئره سن
آنوون یوخدی سویی، ای شه بطحا گؤزه لی
.
.
گؤردی زینب او گؤزه ل فدیه گئدور میدانه
قیدوب گلمیجک جان وئره جک جانانه
دئدی سن شمع حسین سن، سنه من پروانه
جان تک آغوشه آلوب زینب علیا گؤزه لی
.
.
یوز دوتوب درگهِ معبوده توکوب گؤزیاشنی
سسلدی دادینه سقّای حرم قارداشنی
گلدی سقّا قدی خم سالدى اشاقه باشنی
اولدی شرمنده دانشدیرمادی سقّا گؤزه لی
.
.
دئدی ایکاش ئولیدیم باجی بو اثناده
من قالوم اکبریمی دوغریالار میناده
دیه لر ذرّه شهامت یوخومیش سقّاده
قالوب عباس گئدوب دوغریا اعدا گؤزه لی
.
.
دیدی عباسه بو عزّت بو هنر عار اولسون
دئ حسینه باجی سن اکبر علمدار اولسون
قالسین اکبر گئدوب عبّاس فداکار اولسون
قویسون اوز نهر فرات اوستونه دریا گؤزه لی
.
.
خیمه لردن غرض آیریلدی او مه پاره جوان
یوز قویوب قتلگهه ویرمدى اعدایه امان
باباسین داده چاغردی یخیلاندا آتدان
گلوب آغوشه حسین آلدی دل آرا گؤزه لی
.
.
بالاسین خیمه لره قانلو عباده گتوروب
قویمادی قالسون اوغول نعشین اراده گتوروب
لیلی نون درد و غمی اولدی زیاده گتوروب
قویدی آهسته یره قامت رعنا گؤزه لی
.
.
دئدی گل باجی عجب نامه گلوب صغرادن
چوخ گلایه ایلیوب قانه باتان اعضادن
بالامون طوی گونیدور، أل گوتوروب دعوادن
بویانوب قانه گلوب جنگیده صغرا گؤزه لی
.
.
بله فکر ایله علی چکمه میشوک زحمتووی
طوى ایدوبسن اخی من ایسته مورم خلعتووی
گل عروسیله گوروم گؤل یوزووی قامتووی
گؤزه لیم یادو وه سال ایله مدارا گؤزه لی
.
.
ای ( نخستین) یازوسان درد و غم لیلادن
بیلمورم من نجه أل چکدی او مه سیمادن
گتدی لر قانلو عباده بالاسین مینادن
دوشدی چولدن چوله مجنون کیمی صحرا گؤزه لی
.
.
.
.
.
#اکبریه_نخستین
#اکبریه_شهادت
#علی_قربانون_اولوم_آغلاما_زهرا_گؤزه_لی
#ترکی
.
✍️ #زبدةالاشعار ✍️
.
🆔: @nohe_torki
نظر دهید