زبدةالاشعار

منم خزانه عصمتده درّ ناب ؛ یزید #مصیبی_تبریزی

«خروش زینب کبری (س) درمجلس یزید»

✍️زبدة الاشعار✍️
.
?: @nohe_torki
.
مصیبی تبریزی
.
منم خزانه عصمتده درّ ناب ؛ یزید
منم سلالۀ زهرا و بوتراب ؛ یزید
.
منم او”گون”کی اگر گورسه”گون”منیم یوزیمی
بولر کی نُه فلکه کیمدی آفتاب ؛ یزید
.
چوخ انقلاب بوعالملره دوشوب اما
منیم قیامیمه چاتماز هئچ انقلاب ؛ یزید
.
ستون کاخیوی اوّل من ایلرم لرزان
صورا رقیّم ائدر کاخیوی خراب ؛ یزید
.
بلا پیاله سی، ذرّ عالمی وئریلدی منه
فقط به عشق حسین ائتدیم انتخاب ؛ یزید
.
او می کی عشق حسیندن دولوب پیاله لره
ایچن بولر کی ندور لذت شراب ؛ یزید
.
او قان کی جوش ائدوری زینبین وجودینده
حسینون عشقی او قانه وئرر شتاب ؛ یزید
.
آنامدی فاطمه اما سنون آنان کیمدی
همان کی زانیه دی فعلی ناصواب ؛ یزید
.
آتامدی فاتح خیبر سنون آتان کیمدی
همان کی زادۀ هنده اولور خطاب ؛ یزید
.
او باش کی تشتین ایچینده اونا جسارت اولور
عزیزفاطمه دی عشق بوتراب ؛ یزید
.
ئوپوب پیمبر خاتم حسینیمین دوداقین
آقاج ووروب دوداقین ایلمه خضاب ؛ یزید
.
او خیزرانی ووراندا نه حاله گور قالوری
او چاره سی کسیلن باغریقان رباب ؛ یزید
.
او خیزرانی گورنده اسور رقیه دیزی
نه قدر گور چکوری خوردا قیز عذاب ؛ یزید
.
او لبلری تانورام هرزمان ائدردی دعا
دوداق کی ترپنوب اولموشدی مستجاب ؛ یزید
.
الیم چاتیدی گر عباسیمه دیردیم اونا
گورردون اوندا وئرردی نئجه جواب ؛ یزید
.
یارالی باشی وئرون زینبه کولون سیلسین
شراب توکمه او باشه گتور گلاب ؛ یزید
.
خیال ایلمه یوخدور بوگوندوزین سحری
گلراوگون وئره سن،سن گرک حساب ؛ یزید
.
جوابین اوندا ربابه سنون ندور ظالم
کیم ایلیوبدی اونون قلبینی کباب ؛ یزید
.
کیمین سوزیله اوگون شیرخواره اوخلاندی
ندن او خوردا اله باغلانوب طناب ؛ یزید
.
علاوه ، معجریمه تیکمه گوز بئله ظالم
مگر چیخالدیری عقلین ؛ندورحجاب ؛ یزید
.
حجاب ارثیدی، وارقانیمیزده جریانی
روال راه بتوله بودور مآب ؛ یزید
.
بو قاره معجریمین قدرتین «مُصَیـّب» یاز؛
بو قاره معجر ائدر خانه وی خراب ؛ یزید
.
.
#مجلس_یزید
#منم_خزانه_عصمتده_در_ناب_یزید
#مصیبی_تبریزی
#ترکی
.
✍️ #زبدةالاشعار ✍️
.
?: @nohe_torki

متن پیشنهادی:  علینین گولشن آمالی آماج خزان اولدی #فاطمیه_علی_شهودی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی