فوج اسرا دیر نصارایه چکیلدی #دیر_راهب_ذلیل_تبریزی

دیر راهب
.
#زبدةالاشعار
.
: @nohe_torki
.
مرحوم ذلیل تبریزی
.
فوج اسرا دیر نصارایه چکیلدی
خورشید امامت در ترسایه چکیلدی
.
.
اولماز بو جفایه داخی بیر ظلم مقابل
اود دوتدی آلیشدی جگر زینب خوندل
نصرانیلرین سایه سینی وئردیله منزل
سرمایۀ اسلام کلیسایه چکیلدی
.
.
دوشدی او زمان نُه فلکه ولوله یکجا
آلدی الینه عرش اِلاهینی نصارا
زلفینی پریشان ایلدی زهرۀ زهرا
سلطان شهیدان چون او مأوایه چکیلدی
.
.
چون مخزن داور اولوب اول راهبه تسلیم
سکّان سماوات ایدوب اول بیر باشا تعظیم
اول رأسیله دارِینین ایدوب صدقیله ترمیم
کیم نوری اونون عرش معلّایه چکیلدی
.
.
نصف شب اولوب ایستدی که ائتسون عبادت
گوردی او دمِ دیریده وار اوزگه علامت
قدرتله کسیک باش ایدوری آیه تلاوت
حیرتده قالوب تا که تماشایه چکیلدی
.
.
گوردی که اولوب ختم رسل چاک گریبان
سویلور که سنی کیم ایلدی قانیوه غلطان
سو ویردیله یا کیم باشیوی کسدیله عطشان
بو داغ حسینیم دل دنیایه چکیلدی
.
.
زهرا یتیشوب چکدی اورکدن ایله فریاد
آز قالدی که بیر لحظه ده دیری ائده برباد
سسلندی حسینیم اولا شمرین دلی ناشاد
بانوی حرم مجلس اعدایه چکیلدی
.
.
چکدیم گئجه لر زحمتیوی تا سحر اولدی
دنیاده منه گوز یاشی خون جگر اولدی
اهل حرمین دور نجه گور دربدر اولدی
گه دیر نصارا گهی صحرایه چکیلدی
.
.
من عاشق ثابت قدمم بو سوزوم اوسته
بو راه محبتده سورونّم یوزوم اوسته
هر قدر جفا یتسه یری وار گوزوم اوسته
دردیله بو جامی هامی والایه چکیلدی
.
.
چکدیم باشا من شوقیله بو بادۀعشقی
سرمشق آلوب ترک ایلدیم سایر عشقی
گلدیم که گزم نیزه ده بازار دمشقی
سرّی بودور ایش دیر نصارایه چکیلدی
.
.
گر چه بو گیجه اولدوم آنا دیریده راحت
توش اولمادی واللّهی منه بیرجه فراغت
چکدیله عیالیم قوری یرلرده مرارت
فریاد و نوا عالم بالایه چکیلدی
.
.
بو بیتی «ذلیلا» گیجه گوندوز ایله ازبر
بیر ظلم ایلدی دهریده اول فرقۀ کافر
قانیله او چولده بویانوب طرّۀ اکبر
بیگانه الی زلف چلیپایه چکیلدی
.
.
#دیر_راهب_ذلیل_تبریزی
#فوج_اسرا_دیر_نصارایه_چکیلدی
#ترکی
.
#زبدةالاشعار
.
: @nohe_torki