کوچ از قتلگاه
زبانحال حضرت زینب (س)
..
..
شمس شاب تبریزی
..
..
قارداش بو پیکرین باشا باش قاندی یاره دی
گویا بیر آسماندی سراسر ستاره دی
..
گلزار عشقیدور بو چوخور یر باخان دییر
زینب سولان گل اوسته نوالی هزاره دی
..
بو گلشن ایچره بلبلی زاغ و زغن ورور
حكم خزانيله گلی تسلیم، خاره دی
..
شامه کیمی بیر عده سی اطفالوين ئولر
اهل حرم پیاده دی دشمن سواره دی
..
گویا که آتلارین دَییشوب نعلینی عدو
جسمون بو نوعیله که حسین پاره پاره دی
..
بیر بیر گچور جدالره باشلار مثال نجم
شب زنده داریلر هله محو نظاره دی
..
اما بیر اولدوز، انجم آراسیندا گورسنور
دوشمز غلط دئسم کی سرِ شیر خواره دی
..
ایکاش ابر خونیله انجم نهان اولا
ماه غمون اراده سی نصف النهاره دى
..
بزم زیاد کوفه ده نصف النهاريدور
مهر ولایه باشون او یرده اشاره دی
..
اوردا مدارینی دَییشر مهر گوئیا
منظوری حق رضاسینه آیری مداره دی
..
گویا گیدر طلوع ایده بیر اوزگه ملکده
بیر ملک کی رباب اورا ذوالاقتداره دی
..
جای سؤاليدور منه قلبیم اسور، مگر
طفل مصیبته اورگیم گاهواره دی
..
آوارۀ محبت و عشقم بو عرصه ده
بیچاره لیق بو غم زدیه راه چاره دی
..
گون یاندیرور وجودیوی یوخ سایبان سنه
آهیم اودور یارالی بیله پر شراره دی
..
آسوده یات حجابینی حفظ ايلير باجين
خفّاش وقت روز پناهنده غاره دی
..
قمچی ووروللا باشیمیزه عیبى يوخ حسين
بو راهیده توّکلوموز کردگاره دی
..
ایسته ئولوم سنیله یاتیم بير مزاريده
خیرالعملده ساقط اولان استخاره دی
..
گول شاخدن قیریلسا دوشر فكره باغبان
من باغبان گل اللريوه استعاره دى
..
هانسى شل اولموش ال اليوى كسدى ياحسين
گویا او ظالمین اورگی سنگ خاره دی
..
یاز «شمس شاب» حضرته زیبنده نوحه لر
شاه جهان عنایتی سالم شعاره دی
..
زهرا یقین نظارت ایدور یازدیقین سوزه
خاتون محشرون نظری اعتباره دی
..
روح القدس دیيور یازیسان یوخسا چوخ یازان
بو عرصه ده اسیر نهاد و گذاره دی
..
..
#کوچ_کربلا #شمس_شاب_تبریزی #ترکی #زبدةالاشعار
نظر دهید