شهادت حضرت زهرا (س)
#گریز به آمدن حضرت سکینه (س) به مقتل
..
..
منتظری شریف آباد
..
..
محنتی دخت رسول مدنی فاطمه نون
آغلادار دیدۀ چرخ کُهَنی فاطمه نون
..
وردولار سندی قابورقاسی بالاسی ئولدی
اولمادی دادینه بیر کس یِتَنی فاطمه نون
..
ظلموله قلبنی یاندوردی ستمگر امّت
قبری تک اولمادی قدری علنی فاطمه نون
..
حقّینی غصب ایلیوب وردی ئوزینه سیلی
خصم بی عاطفه و اهرمنی فاطمه نون
..
ایله تنگ اولدی جهان ختم پیمبر قیزینا
اریدی نی کیمی اولدی بدنی فاطمه نون
..
عمرینون آخرینه بیر الیله دوتدی قنوت
نیلموشدی دیمورم ظلم ایدنی فاطمه نون
..
اوز ایونده یغوشوب قویمادولار دوتسون عزا
مسکنی اولدی او بیت الحزن فاطمه نون
..
عاقبت ئولدی غریبانه پیمبر بالاسی
اولمادی باشینون اوسته گلنی فاطمه نون
..
غصّه مرگ اولدی گوزین یومدی فنا دنیادن
یتدی پایانه سارالدی چمنی فاطمه نون
..
شمع تک باشنون اوستونده یانوب آغلاردی
الی قوینوندا شریک محنی فاطمه نون
..
آنا وای ناله لری دلده یتوشدی او زمان
بوینو چگننده حسین و حسنی فاطمه نون
..
سالدولار اوزلرینی نعشنون اوسته آنانون
گوردولر گیتدی کناره کفنی فاطمه نون
..
آغلادی حسرتیله قولاّرونی آچدی خانم
نالیه گلدی او حالین گورنی فاطمه نون
..
ایکی نازلی بالانی جان کیمی آغوشه باسوب
تاپدی رونق غم اثر انجمنی فاطمه نون
..
..
#گریز
..
..
گنه آواره قلم گوردی بو آغلار گوزومی
دوندروب کربوبلا دشتینه چکدی سوزومی
..
..
بوردا ایکّی بالاسین باسدی قوجاقه زهرا
ال بیلکدیدی بدنده باشی سالم اعضا
اوز ایویندیدی جنازه یوخودی اهل جفا
محفلی خلوتیدی گرچه جگر داغلادولار
تازیانه یوخودی قورخمادولار آغلادولار
..
..
جریان کرب و بلاده بیله عنوان اولدی
تشنه جان ویردی حسین خیمه سی تالان اولدی
گون باتوب گیتدی شفق شام غریبان اولدی
دگدی بیکس حرمون شیشۀ امّیدی داشا
هره بیر یاندا دوشوب غم قنادین چکدی باشا
..
..
گیجه گیچدی یاریدان سس کسیلوب اعدادن
چیخدی آهسته سکینه پوزولان سُکنادن
نجه ایستکلی بالا آیری دوشه بابادن
قصد ایدوب قتلگهی بارقۀ عشقه یانوب
چکولوب خیمه قباقیندا بیر آز دالدا لانوب
..
..
بیر باخوب دقّتله زینب کبرایه طرف
بیر باخوب وحشتّیله خیمۀ اعدایه طرف
جذبۀ عشق چکوب مقتله قتلایه طرف
گه گیدوب گه دایانوب گاه باخوب صاق صولونا
قوشکیمی دالدا لانوب گاه مغیلان کولونا
..
..
بدنی نی تک اسوب وحشیلرون ناله سنه
دیسکینوب گه قایدوب ایتدی نظر کولگه سنه
اوتوروب گاه قولاق ویردی نیستان سَسینه
گئجه نون عالیمی قیز خلقی هراسان خسته
میزبان خسته عدو خسته و مهمان خسته
..
..
تلّیدن آشدی خانم مقتل جانانه طرف
بلبلی چکد ی گلون عطری گلستانه طرف
نجه پروانه اوچار شمع فروزانه طرف
پر چالوب حسرتیله مرکز آماله یتوب
رهنما دلده آتا اُلفتی گوداله یتوب
..
..
عندلیبون گل پژمردیه دوشدی نظری
یاندوروب بال و پرین آتش عشقون شرری
قویمیوب نیزه قلج گلده طراوت اثری
کاسۀ صبری داشوب آغلادی یومدی گوزونی
اصغرون قانی آخان سینیه سالدی اوزونی
..
..
شمری ویردوم یوخیا سرزده دوردوم گلدیم
عترتون یاتدی یانان خیمه ده دوردوم گلدیم
قالدی آواره بیبیم سجده ده دوردوم گلدیم
چکدی عشقون گئجه نون وقتی بومیدانه بابا
توخونوب گور ایاقیم خار مغیلانه بابا
..
..
قلبیده چوخدی سوزوم شرحینه وادور هوسیم
تتروری دل دوداقیم سینه ده باتموش نفسیم
اویانار خسته نگهبان ائشیدر چئخسه سسیم
یورقونام غمزده یم ایله نظر گوزیاشوما
دور اوتور آل قوجاقیوه اَلیوی چک باشوما
..
..
بیلورم شمر دغا تشنه لب اولدوردی سنی
باشیوی کوفیه خولی آپاروبدی علنی
بس سکینه ن اوله کسدی الیوی هانسی دنی
کیم آپاردی بابا جان قانه باتان پیرهنون
قوملار اوستونده قالوب بی کفن عریان بدنون
..
..
یوخ تعجّب اوجالا ناله کسیک حنجردن
نجه سس گلدی کلیمه شجر اخضردن
لطف حق ظاهر اولوب زادۀ پیغمبردن
بزم خلوتده گلوب بحر عطوفت جوشه
یارالی قولاّریلا آلدی قیزین آغوشه
..
..
دیدی نازدانه قیزیم آغلاما یاندورما منی
آختارور ایندی بییبون خیمۀ سوزاندا سنی
گیت بالا قویما دوشه چوللره اُول غمزدنی
یورولوب واهمیه سالما بلالی باجومی
پیکریم تک جگری قلبی یارالی باجومی
..
..
دور شجاعتلی بالام خیمه لره رجعت ایله
بستر غمده یاتان قارداشیوا خدمت ایله
قویما تک زینبی زینب رَوِشیم همّت ایله
قوی باجوم تک قالا تاریخیده پاینده آدون
کوفه و شامده زینبله حماسه یارادون
..
..
آغلاماق قالسون حجازه حله همّت گونیدی
نسل آیندیه تعلیم فتوّت گونیدی
ظاهره فکر ایلمه دشمنه خفّت گونیدی
سن شهادت بالاسی فاطمه دُر دانه سی سن
شبه پیغمبریمون خواهر فرزانه سی سن
..
..
سیّده ایله کرم اصغریوون نوکرینه
خطّ عرفانده شاعرلریوون کمترینه
نگراندور بیلوسن برزخینه محشرینه
ابهری (منتظری) یازدی زبانحالی
دی خدا عفوایده اولسا سوزونون اشکالی
..
..
..
#فاطمیه #منتظری #فاطمیه_شهادت #ترکی #زبدةالاشعار
نظر دهید