قارداش حسین گل قارداشون بو قوم اشرار ئولدورور #عباسیه_طوری_تبریزی

استمداد حضرت ابوالفضل (ع)
..
..
..
#سبک_ای_شاه_مظلومان_حسین … 5 سبک
..
..
..
مرحوم طوری تبریزی
..
..
..
قارداش حسین گل قارداشون بو قوم اشرار ئولدورور
بو قدر لشگر بیر نفر قولسوز علمدار ئولدورور
..
..
..
دشمن آلوب اطرافینی قارداش دایانما داده گل
میداندا قولسوز دوشمشم یوخ طاقتیم امداده گل
اون یدّی قاتل قتلیمه اقدام ایدوب فریاده گل
گل گور نجه سرداریوی اهل ستم، خوار ئولدورور
..
..
..
دورت بیر طرفدن أؤستمه دشمن گلور دریا کیمی
از بس دگوب اوخ جسمیمه پر آچموشام عنقا کیمی
بو جلوه گاه عشقده محو اولموشام موسی کیمی
ای وارث موسی، سنه هارونی، کفّار ئولدورور
..
..
..
بی رحم نوفل ظلمله ووردی باشمدان بیر عمود
خرد اولدی باشیم کاسه سی آهیم سالوب افلاکه دود
گل باشیم أوسته کلمه توحیدیم اولسون یا ودود
جان بر لبم لب تشنه بو کفّار بی عار ئولدورور
..
..
..
بس که آخوب قان قالمیوب هرگز اؤرکده حالتیم
باشیم سنوب قولسیز دوشوب جسمیمده یوخدی طاقتیم
گونلر قباقینده قالوب بو سرو رعنا قامتیم
اشرار کوفه بو قدی سرو سمنبار ئولدورور
..
..
..
دشمن منی قولسوز گوروب تاپدی جسارت آغلارام
طعنه ایله ایلر منه ایمدی شماتت آغلارام
اوخلاندی مشکیم اولموشام بسکه خجالت آغلارام
قاتل من ئولدورمسه بو حسرت و زار ئولدورور
..
..
..
شرم ایلورم دشمن بُله واردی اورکده بیر سوزوم
ایش بیر یره منجر اولوب قارداش داخی گورمور گوزوم
گل محضرونده علتین عرض ایلیوم مخفی اوزوم
نه حالیله عبّاسیوی گور قوم خونخوار ئولدورور
..
..
..
اوز ئولماقیما آخموری گوزدن گوزیمه گوز یاشیم
هرگز خیالیمده دگل دوشدی قولوم سندی باشیم
من راحت اولدوم قالدی تک، دشمن ایچینده قارداشیم
مندن صورا قارداشیمی شمر ستمکار ئولدورور
..
..
..
..
..
#عباسیه #طوری_تبریزی #عباسیه_شهادت #ترکی #زبدةالاشعار